CHAPCHĀT 1:9 - Kathara Bible (BSI)

⁹ Awui makathar chi awui kashanli kāsai, awui kathi ana maphaningmana; chiwui vang eina awui kongkhalui zakshilāka, ali ninglum khavai khipākha maleimana. O Proho, iwui kakhanang khayangmilu, kaja yangkashebingna yuihaira!

CHAPCHĀT 1:9 Iomraidhean Croise

2 SAMUEL 16:12

Iwui kachotkachāng hi Prohona theimida, ajawui khonkashi hiwui vang Prohona kaphā chi ili hanmipai.”

2 WUNGNAOBING 14:26

Kaja Israelwui sipkasa marlak kahai chi Prohona thei kaja rao nilala kala ningkakhan nilala athumwui alungli Israelli ngachonmi khavai maleisāmana.

NEHEMIAH 9:32

Chiwui vang ara, “Ithumwui Vare, sāshap pangshapa, kala khangachee-khangachā Vare, tuingashit eina leikashi makhangachei mayonkhame, Assyria awungawui thot eina thuida aja rāshungda ithumli, awungabing, wungnaobing, pāngmonbing, ishāvā ngarā, kala nawui mi saikorawuitungli kachotkachāng katā saikora hi teolak eina makhuimiaranu.

LAA 119:153

Iwui kakhanang hi yangmida kakanshokmilu, kaja nawui ain ina mamalaimana.

LAA 140:8

O Proho, makaphā makhayaawui ningkachāng mamialu, awui makaphā otsak mazatva ngasakalu!

LAA 25:18

Iwui kakhanang eina kachotkachāng hi kaphāningmilu; kala iwui morei saikora kapheomilu.

LAA 69:21

Zātwui vang athumna ili kathiri mi, kala iwui ra̱chanwui vang mangkhavai kathurra̱ mimanga.

SHONGZĀ 3:17

kala ina khangashitna, Egypt ngaleili kakhanang kachotwui eina thānshokta Canaannaobing, Hitnaobing, Amor, Periznaobing, Hivnaobing, kala Jebusnaobingwui ngalei seina̱ eina khuira̱ khalong chili thānvāra.

SHONGZĀ 3:7

Chieina Prohona hānga, “Egyptli khalei iwui mibingwui kachotkachāng ina theihaira, kala kashinabingwui vang eina ringkhangā ina shāhaira, ina athumwui kakhanang saikora theihaira.

SHONGZĀ 4:31

Mibingna shitsanghaowa; kala Prohona Israelnaobingwui kachotkachāng theimihaira kaji shālaga athumna mashunzanga kala khoruma.

HĀSHOKME 4:1

Okathuili rekakharek ot kasā saikora chila ina theiluishita. Kala yanglu, rekharek kahaibingwui chāra̱, athumli ringphā khangasaka khipākha maleimana! Athumli rekakharekbingna pangshap lei, kala athumli ringphā khangasaka khipākha maleimana.

ISAIAH 3:8

Kaja Jerusalem phei ngaphokhaira, kala Judah kongluihaira; khikhalajila athumwui tuimatui, kala otsak Proholi mamayāmana, ana tekmateida khaleipam chili athumna ngaruka.

ISAIAH 37:17

O Proho kashāmilu, namik eina katheimilu. Proho Sennacheribna Vareli mana̱shi khavai chihokharā tui saikora chi kashāmilu.

ISAIAH 37:23

“'Na khipāli mana̱shihaira, kala khipāli temshihaira? Khipāwuitungli akhon chuihaira kala khipāwuitungli miktingda khayang? Israelwui Tharkhamathengpālilamā!

ISAIAH 37:29

Kaja nana ili malungvāta, nawui langkaso ikhanāli rāshunghaoda, iwui narenra̱ nanātangli sangmira, iwui yāchan nakhamorli sangmira; kala nana rākhavai apong chi tākam eina hanungra.”

ISAIAH 37:4

Assyriawui awungana Rabshakehli kharinga Vareli mana̱shi khavai chihokharā chiwui tui nawui Proho VAREna shāhaira̱ra kala nawui Proho VAREna shākahai tui chili mamayāmada kahara; chiwui vang eina shākhaida khalei kharingbing hiwui vang nana seihā kasāmilu.’”

ISAIAH 40:2

Jerusalemli khanim eina hāngmilu kaja awui rai kasā ngachanghaira, awui kashong pheomihaira; awui morei sākahaikha mataida Prohowui pāngwui eina samphanghaira.

ISAIAH 47:7

“Ina akhavaiva̱ sāchingra” da nana hānga, chithahaoda nana nawui ningli hikathā hi maleithu, rāki kajila maphaningthuwa.

ISAIAH 51:19

Khanini hi nawuitungli tārorhaira— khipāna nali hāngphanepra?— sākakhayāng eina sākakathān, chām eina raighai; khipāna nali ninglumngasakra?

ISAIAH 54:11

“O kakhanangna, siphan zingrotli chotchāng kahaida maringpha khangasakabing, yanglu, nali aman kasak lungguibing eina sākāmira, kala sapphire ngalung eina shimphunga sākāmira.

JEREMIAH 13:27

Nathumwui ningkakachai otsak ina theiserhaira, phokaphāla, khayor otsak, luili ngahongli khamathang kasāsā saikora! O Jerusalem, nali kakhanang ngasāranu! Na karankhawui thili tharnaonikhala?

JEREMIAH 16:7

Kathiwui vang sifada khalei athumli ning ringphā khavai khipānakha khong makhaisangmimara; kala ava̱ avā kathiwui vang ning lumkhavai mamimanglakmara.

JEREMIAH 2:34

Kala nathumwui kachonlila, khayon makhalei, kachāmabingwui ashee kāda lei; athumna shaokhai kazang nathumna matheimana. Kha saikora hi sāhailaga nathumna,

JEREMIAH 48:26

“Ali malip ngasaklu, khikhalajila ana Proholi hakmei khavai sai; chithāda Moabna awui malotā kahai chili ngakhorkazamra, miwui zei savairanu.

JEREMIAH 5:31

marānbingna yonda marānmi, kala pāngmonbingna athum ningsasak eina munga; laga iwui mibingna chi ningchangmeihao! Kha khanaowa kharā tharan nathum khisara̱?”

JEREMIAH 50:29

“Babylonli ngasung khavai malā singkathei, malā kahun saikorali hokhuilu. Kuimareida ali rairui sālu, akhala machakshokaranu. Ana sākahai athishurda athut hāngsanglu, ana kasā thāda alila sāmilu; kaja ana Israelwui Kathara Proho chili nganura.

CHAPCHĀT 1:17

“Zionna apāng katingshoka; kha ali ninglum khavai khipākha maleimana; Jacobli yangshi khavai Prohona khongnainaoli kasohaira; athumwui alungli Jerusalem khamakhao ngasāthuihaira.

CHAPCHĀT 1:21

“Nganālu, ina kathāda ngahuili; ili ninglum khangasak khipākha maleimana. Iwui yangkashe saikorana iwui kakhanang shāhaira; hi nana kasāna da athumna ringphai. Nana chishāt kahai zimiksho chi khuirālu athumla iwui hitharanu.

CHAPCHĀT 2:13

O Jerusalemwui naongalāva̱! Ina nawui vang khi hāngra? Nali khi eina chānsamsido? O Zionwui kachinga naongalāva̱, ina nali ninglum khavai khi eina suira? Kaja nawui kashimān shamadru khamashā thai; nali khipāna khāngmathotra?

CHAPCHĀT 4:1

Sināna kathāda yumsihao, sinā kachanga kathāda ngacheihao! Kathara ngalungbing chānrei haophok khavai kachida horkathānserhaira.

CHAPCHĀT 5:1

O Proho, ithumwuili shokkahai, kaphaningungmilu; yanglu, ithumwui maikashi hi katheimilu.

HOSEA 2:14

Chiwui vang eina yanglu, ina ali suira, kala lamhāngli ali thānvāra kala nimshimri eina ngazekra.

ZEPHANIAH 2:10

Hi athumwui langkasowui atheina, khikhalajila athumna saikorawui Prohowui miyurli mautshitla mana̱shi.

JOHN 11:19

Chieina Judeanao kachungkhana Martha eina Maryli apā thikahaiwui vang ringphā ngasak khavai rai.

KHALATLUI 26:7

Chitharan ithumna ishāvā ngarāwui Proho Vareli khangakao eina ithumwui kapokhon Prohona khuisangmi, ithumwui kachotla, kakhanangla rekakharekla ana theimi;

KHALATLUI 32:27

yangkashebingna lāngsoda, Israelli ithumna shimān khangasakna, Prohona maningmana’ da hāngpaishina kajiwui vangna.

KHALATLUI 32:29

Athumna thangmeisāsi kaja, athumna hi bhap tāra, anaolamshong katharakhala kaji theira!

1 PETER 4:17

Bichar sāki kaji atam chi rāhaira, kala bichar chi Varewui shimkhur mibingli rira, kala hi ithumwui eina haophokra jiakha, Varewui Paokaphāli mashitkasang athumwui akatang chi katharali?

1 SAMUEL 1:11

Kala ana khangashit akha sāda hānga, “O saikorawui Proho, kalikhada narao sha̱nao iwui kakhanang hi theimida, kala ili phaningmida, narao ili mamalailakla mayarnao akha misi kaja, awui mirin peida ina Prohowui pāngli mira; kala akuili kuisighai maparmara.”