CHAPCHĀT 1:7 - Kathara Bible (BSI)

⁷ Kakhanang ringkashi atamli achālakha awui aman kasak otyur chi Jerusalemna phaningunga. Awui mibingna yangkashebingwui pāngli tākazang tharan, kala ali ngachonmi khavai khipākha maleikasā tharan, yangkashebingna zeikharuida awui kongkhaluili mana̱rora.

CHAPCHĀT 1:7 Iomraidhean Croise

JOBWUI LAIRIK 29:2

Iyavo, khare kachāng, Varena ili yangkhami chithāda leisasi kaje chāng;

LAA 42:4

Ina iwui ning kakhalā tharan, hibing hi phaningunga: yarui ashangvana phanit salakha ringkaphawui khavao kala ningkashiwui laasak eina ngasoda ina yaruili kathada ngayurzatsā, athumli kathada khorumshimli thānvāsā khala kaji.

LAA 77:3

Ina Vareli phaninga, kala ina ngahuiya; Ina machuka, kala imanglā vānhaowa.

LAA 79:4

Ithum khongnainaowui zeikhavai ngasāhaira, ithumli kuimareida khaleibingna zeikharuida mana̱shiya.

ISAIAH 64:10

Nawui kathara keinungbing lamhāng sāthuiserhaira, Zion lamhāng sāthuihaira, Jerusalem ramcho sāhaira.

ISAIAH 64:11

Iwui kathara kala khamathā shim, ishāvā ngarāna nali masotkhami apam chi meina chuitāserhaira; ithumwui yirkhamayei apam saikora ngayāng kahai ngasāserhaira.

JEREMIAH 37:7

Israelwui Proho Varena hithāda hānga: Ili ngahānkhui khavai nali iwuili chihokharapa Judah awungali hithāda hānglu, “Yanglu, nali ngachonkida kharā Pharaohwui raimibing Egyptli latungki jihaira.

JEREMIAH 48:27

Israelli na maningkachaimala? Ali khaleebingwui alungli samphangda awui pongli khangazek tharan nakui kakhayit maningmala?

CHAPCHĀT 4:17

Aremali ngachonmi khavai yangpamshonda ithumwui mik ngazanhaira; ithumna yangkapamli mangachonmikharar yur akhali yangpama.

EZEKIEL 25:3

Ammonnaobingli hānglu, Proho VAREwui tui nganālu: Proho VAREna hānga, Khikhalajila nathumna iwui kathara shim sakhamakhao tharan, Israelwui ngalei ramcho kahai tharan, kala Judahwui shimkhur raithā kahai tharan ‘Aha!’ da kahāngwui vang;

EZEKIEL 25:6

“Kaja Proho VAREna hithāda hānga: Khikhalajila Israelwui ngaleili mamayāmada nathumna pāng kakaphewui vang kala phei kakathangwui vang,

HOSEA 2:7

Awui leikashebingli ana khoromzatra, kha mangaphanmara; kala ana athumli phāra, kha masamphangmara. Chiwui thili ana, “Igahara kharepāli latungura — kaja iwui vang aruiwuile kharepāna phamei.” da hāngra.

MICAH 4:11

Arui nali makhamayā yur kachungkha kaziplaga hānga, “A makhaohaoranu, kala Zionli ithumwui mikna ngashānranu.”

LUKE 15:17

Ning mathingkhaung eina ana hānga, ‘Iwui Avāna masākakhui rao saikora athumwui zāshapli lāngmeida samphanga, kha ina apam hili kathaina thiki jiura!

LUKE 16:25

“Kha Abrahamna hānga, ‘Inaomayara, phaningunglu, kaja na ringda leilakha khamathāthāmāng samphanga kala Lazarusva zakkashimāng samphanga; kha ara nana kachot samkaphang tharan ana hili ringkaphā samphangda lei.