CHAPCHĀT 1:17 - Kathara Bible (BSI)

¹⁷ “Zionna apāng katingshoka; kha ali ninglum khavai khipākha maleimana; Jacobli yangshi khavai Prohona khongnainaoli kasohaira; athumwui alungli Jerusalem khamakhao ngasāthuihaira.

CHAPCHĀT 1:17 Iomraidhean Croise

1 WUNGNAOBING 8:22

Chiwui thili Israelwui kazip saikora khalei Prohowui hanphut mangāli Solomonna nganinga, kala awui pāng khani kazingramshong khāngkāda hānga;

1 WUNGNAOBING 8:38

kashoshokwui vang seihā kasā kala kapo, mi akha kala Israel saikorana nilala ichichāwui ningkachot chitheida, shim hili ngareiunglaga pāng khāngkāda nali kapo chi;

2 WUNGNAOBING 25:1

Ana mungda kachiko kum, kachāng katharawui zimiksho katharāthang, Babylonwui awunga Nebuchadnezzarna awui raimi saikorali ngasorāda Jerusalem khuikhavai kuimareida khangarān sāserhaowa.

HĀSHOKME 4:1

Okathuili rekakharek ot kasā saikora chila ina theiluishita. Kala yanglu, rekharek kahaibingwui chāra̱, athumli ringphā khangasaka khipākha maleimana! Athumli rekakharekbingna pangshap lei, kala athumli ringphā khangasaka khipākha maleimana.

ISAIAH 1:15

“Nathumna pāng phayaikashok tharan, imik nathumwui eina thumhaora; nathumna seihā kachungkha sālala, ina manganāsangmara; nathumwui pāng asheemānga.

ISAIAH 54:11

“O kakhanangna, siphan zingrotli chotchāng kahaida maringpha khangasakabing, yanglu, nali aman kasak lungguibing eina sākāmira, kala sapphire ngalung eina shimphunga sākāmira.

JEREMIAH 12:9

Iwui vang iwui shimluikat chukpoma sāshai vanao katha ngasahaola? Tukshaiki kaje vānao khangateibingna ali kuinamlaga leila? Vālu, ramsā saikora vākazipkhuilu; shaikhavai rāngasaklu.

JEREMIAH 15:5

“O Jerusalem, nali khipāna lumashanmirakhala, lah khipāna nali chapngachāmirakhala? Kkhipana kathāhaokhala da rāngahānmirakhala?

JEREMIAH 16:6

Apam hiwui kharei kateo mateila thiserra; athumli machifamara, kala athumwui vang sam chichāpta lah sitāda chapngachā khavai khipākhala maleisāmara.

JEREMIAH 34:22

Yanglu, ina kasoda keinung hili athumli khuiungluira; athumna keinung hili rāngararda khuira, mei eina thottāmihaora. Judahwui keinungbing mi makapān ngachakyang kahai ngasā ngasakra da Prohona hānga.”

JEREMIAH 4:31

Kaja naokhara̱va̱na khangahui thāda ina ringkhangā shai, naochizai kapharāva̱wui ringkhangā thāda, Zionwui naongalāva̱na khaksui khavai katinga, pāng tarāmlaga ngahuida lei; “I kalākashi! mi khayumbingwui mangāli ning shimānhaira!”

JEREMIAH 6:3

Yaokahomabing kala athumwui ashangva̱na ali kuimareida kachonshim rāsākāra, ichichāwui pamli rāhompamra.

JEREMIAH 8:18

Iwui kakhanang hi maraipailuimara; ining thenghaira.

CHAPCHĀT 1:16

“Hibingwui vang ina chapta imikli chāra̱ longtai; kaja yangdhar chishotmi khavai, ninglumi khavai iwui eina katāva̱ thuihaowa, iwui naomayarabing ngachakyānghaira, kaja yangkashena yuihaowa.

CHAPCHĀT 1:19

“Iwui leikashebingli ina ngakaowa, kha athumna ili minamhaowa, iwui pāngmonbing kala khararnaobingla pangshap samphang khavai kashakazā phāzatlakha, keinunglungli shimānhaowa.

CHAPCHĀT 1:2

Ana ngayā pongda soso chapa, maisor chāra̱na pemda; awui leishikasābing ngachaiwui eina ali ninglum khavai khipākha maleimana; awui ngasotnao saikorana ali yomshināmhaira, athum awui yangkashe sāthuiserhaira.

CHAPCHĀT 1:21

“Nganālu, ina kathāda ngahuili; ili ninglum khangasak khipākha maleimana. Iwui yangkashe saikorana iwui kakhanang shāhaira; hi nana kasāna da athumna ringphai. Nana chishāt kahai zimiksho chi khuirālu athumla iwui hitharanu.

CHAPCHĀT 1:8

Jerusalemna zakshilāk eina morei sai, chiwui vang a khamakhao ngasā kahaina; ali khayāshikasā saikorana ali ningkachaiya, kaja awui khamahong athumna theihaira; mha, akhalattana ngahuiya kala amai ngareithuihaowa.

CHAPCHĀT 1:9

Awui makathar chi awui kashanli kāsai, awui kathi ana maphaningmana; chiwui vang eina awui kongkhalui zakshilāka, ali ninglum khavai khipākha maleimana. O Proho, iwui kakhanang khayangmilu, kaja yangkashebingna yuihaira!

CHAPCHĀT 4:15

“Thulu! Makathara!” da mibingna athumli kashama. “Thulu! Thulu! Masāza̱alu!” Chieina athum yāmkazata, yaokazata sāthuihaowa. yurbingwui alungli mibingna, “Athum ithumli mangayurpamluimara” da hāng ngaroka.

EZEKIEL 36:17

“Miwui naomayara, Israelnaobingna athumwui ngaleili pamlakha, athumwui otsakna kala kasākhavāna sākhamāng ngasaka; iwui mangāli athumwui acham, ngarang mahungda khalei khamakhaova̱ sha̱nao thai.

HOSEA 8:8

Israelli mayuisanghaira; ara yur khangateiwui ngachaili khikha masā khavai ham kathā ngasāhaira.