CHAPCHĀT 1:14 - Kathara Bible (BSI)

¹⁴ “Iwui khayonkhamāng hupta kaziplaga iwui kashaili khalapshānmi, apāng eina saikora chi khalapshānmi; chibing chi ikahungli parmihai; ana iwui yāng shimān ngasaka; ina mangasungkharar athumwui pāngli Prohona ili horsangmihaowa.”

CHAPCHĀT 1:14 Iomraidhean Croise

CHĀNSAM 5:22

Makaphā miwui khayonkhamāngna ali khalen sanga, kala awui morei kasālungli ali mana.

ISAIAH 14:25

Kaja iwui ngaleili ina Assyria sakhaira, iwui phungreitungli ipheizingli naikazamra; kala awui kashai chi athumwui eina khalātahaora, kala awui kharita otphun chi athum yārtuiwui eina ngavātāhaora.

ISAIAH 47:6

Iwui miyurli I malungvāthaowa, iwui shimluikatli ina mathar ngasakthuda horhaowa, athumli ina nawui pāngli horsangmi, nana athumli lukhamashan machitheimana; kasarnaoli nana nawui kharit otphun chiphuna.

JEREMIAH 25:9

yanglu, ‘Ina ngalei kala hili kapamabing, kala hili kuimareida khalei yurbing hili makhamayāwui vang atungshongwui yur saikora, kala Babylonwui awunga iwui rao Nebuchadrezzarli ina chihorālaga athumli zakshilāk eina shimān ngasakra, khangachee-khangachā, kasiror khavai, kala katang makhavai maikashi ngasā ngasakra.

JEREMIAH 27:12

Judahwui awunga Zedekiahli ina hithāda hānga: “Babylon awungawui kharitphun azingli nakahung hailu, ali kala awui mibingli otram ngatha̱laga okthuilu.

JEREMIAH 27:8

“Kachikathā yurna maningkha wungramna Babylonwui awunga Nebuchadnezzarli otram mangatha̱akha, kala Babylon awungawui kharitphunwui azingli akahung mahaisaakha, chikathā yur chili raighai eina, chāmrei eina, kala kazātkashi eina awui pāng eina ina mashimān ngasakranglakha eina tangda ina tandi mira da Prohona hānga.

JEREMIAH 28:13

“Vālu, Hananiahli hānglu, ‘Prohona hithāda hānga: nana thingwui lengkot sātekmihaira, kha ina chiwui mahutli mariwui lengkot ngachāmira.

JEREMIAH 28:14

Kaja Israelwui Vare, saikorawui Prohona hithāda hānga: Babylon awunga Nebuchadnezzarli otram ngatha̱mi khavai miyur saikora hili ina mariwui lengkot ngachāmi kahaina, kaja, ramli khalei ramsā eina tangda awui pāngli horsangmi kahaina.’”

JEREMIAH 32:3

Kaja Judahwui awunga Zedekiahna ali hithāda hāngda phātopli sanga, “Khiwui vang nana marānda ‘Prohona hithāda hānga: Yanglu, ina keinung hi Babylon awungawui pāngli mihaira, kala chi ana khuihaora;

JEREMIAH 32:5

kala ana Zedekiahli Babylonli khuivāhaora, kala chili ina ali mavāsamphangranglakha eina tangda chili leisara da Prohona hānga; nana Chaldeanaobingli ngasungda ngararlala mayuirarmara jila’?”

JEREMIAH 37:17

Awunga Zedekiahna ahokhui ngasakta ali samphanga. Awungana awui shimli ngathumda ngahānda hānga, “Prohowui eina tui khaleila?” Jeremiahna “Lei” da ngahānkai. Kala ana hānga, “Nali, Babylonwui awungawui pāngli horsangmihaora.”

EZEKIEL 11:9

Kala ina chiwui eina nathumli khuishokta makathei yurbingwui pāngli horsangmira, kala nathumwuitungli bichar sāra.

EZEKIEL 21:31

Kala ina iwui malungkhavāt nathumwuitungli chihotāra; Iwui malungkhavātwui mei nathumwuitungli malirorra; kala sākashimān kathema, sakashebingwui pāngli ina nathumli horsangmira.

EZEKIEL 23:28

“Kaja Proho VAREna hānga: Yanglu, nana ningkakachaiya kala yangkakharinga athumwui pāngli ina nali horsangmira;

EZEKIEL 25:4

ina zingshoshongwui mibingwui pāngli nathumli horsangkhamina; kala athumna nathumwui ngachaili shim rāsāpamda nathumwui athei athumna shaimihaora, kala nathumwui seina̱la mangmihaora.

EZEKIEL 25:7

yanglu, iwui pāng ina nawuitungli katingshokhaira, nali yurbingna ngaponkakhui ngasā khavai horsangmira; kala ina nathumli mibingwui eina katatmihaida ngaleiwui eina shimān ngasakra; Ina nathumli sākazamhaora. Chieina I Prohona da nathumna theikhuira.”

HOSEA 5:14

Kaja iya Ephraimwui vang kazingkha̱ kathā, kaja Judah shimkhurwui vang kazingkha̱nao kathā ngasāra. I khalattana sākazamlaga thuihaora, ina phungthuihaora, khipānakha makānluirarmara.

MICAH 2:3

Chiwui vang Prohona hithāda hānga: Yanglu, shimkhur hiwuitungli Ina makaphā shokkhavai khangarān sādaleiya, chiwui eina nathumwui akahung mangatha̱thukmara, kala nathum langsosor mazatmara, kaja chi makaphā atam ngasāra.

KHALATLUI 28:48

Chiwui vang Prohona nathumli chihokharā nathumwui yangkashibingli nathumna kathai kala ra̱kachang, phasā khamahong eina, ot saikorali kathai-kachām māng eina otram ngatha̱ra; kala nathumli masāshimānranglakha eina tangda ana nathumli kahungli mariwui kashai chiphunra.