CHAPCHĀT 1:11 - Kathara Bible (BSI)

¹¹ Awui mibingna kashakazā ngahuilaga phāzata; athumwui yāng samphanglui khavai athumwui lan kashakazāwui vang yorzai. “Yanglu, O Proho, yangtāmilu, kaja ili ningkachaihaira.”

CHAPCHĀT 1:11 Iomraidhean Croise

2 WUNGNAOBING 6:25

Athumna kuinam kahaiwui vang Samariali zāt saklakhaowa, gadhā akhali lupāsā hangchishat kala theirāthei gram shākhanili lupāsā phangā eina yora.

JOBWUI LAIRIK 40:4

“Yanglu, iya khikhala maningmana, ina nali khi ngahānkāra? Ipang eina khamor kafaya.

LAA 79:4

Ithum khongnainaowui zeikhavai ngasāhaira, ithumli kuimareida khaleibingna zeikharuida mana̱shiya.

JEREMIAH 15:19

Chiwui vang Prohona hithāda hānga: “Nana latungakha ina nali khuisangmira, kala iwui mangāli nana nganingra. Makānkhanā tui horhaida kasaka tui matuiakha, nana iwui khamor ngasāra. Athumna nali ngareiungra, kha nana athumli mangareivāmara.

JEREMIAH 19:9

Kala athumwui naomayara eina ngalāva̱ ngarāwui asā ina athumli shaingasakra, kala athumwui manglā khuikida kasā athumwui yangkashibingna kuinam kahaiwui kakhanang atamli khongnainao eina khongnainao shaingarokra.”

JEREMIAH 38:9

“Ishamei awunga, mibingna Jeremiah marānli paibungli horsang kahai hi maphāmeikap kaji ot akhana; a chili kathai eina thihaora, kaja keinungli kashakazāla maleilakthura.”

JEREMIAH 52:6

Kachāng khamatewui zimiksho kachikothang, zāt saknāhaida, ram chiwui mibingwui vang zāt zākhavai maleithuwa.

CHAPCHĀT 1:8

Jerusalemna zakshilāk eina morei sai, chiwui vang a khamakhao ngasā kahaina; ali khayāshikasā saikorana ali ningkachaiya, kaja awui khamahong athumna theihaira; mha, akhalattana ngahuiya kala amai ngareithuihaowa.

CHAPCHĀT 1:9

Awui makathar chi awui kashanli kāsai, awui kathi ana maphaningmana; chiwui vang eina awui kongkhalui zakshilāka, ali ninglum khavai khipākha maleimana. O Proho, iwui kakhanang khayangmilu, kaja yangkashebingna yuihaira!

CHAPCHĀT 2:11

Imik chāra̱ tāsānhaira; imanglā kakhananglungli lei; Iwui mibingwui naongalāva̱wui kashimānwui vang, khikhalajila naoshinaobing angangnaobing kathaina keinungwui chānreili vānserhaowa.

CHAPCHĀT 2:12

Athumna ava̱va̱ ngarāli, “Zāt kala drakhāra̱ kali leili?” da keinungwui chānreili khamā kaza̱ mi thāda athumna vānda pikatā tharan, kala ava̱ ngarāna avam eina thihaowa.

CHAPCHĀT 2:20

Yanglu, O Proho, kala theimilu! Khipāli nana hithāda sāyanghaira? Ava̱ ngarāna athumwui khaluma naongarāli shairala? Pāngmon kala marānli kathara shimli shaothatrala?

CHAPCHĀT 5:1

O Proho, ithumwuili shokkahai, kaphaningungmilu; yanglu, ithumwui maikashi hi katheimilu.