CHĀNSAM 9:6 - Kathara Bible (BSI)

⁶ Ningkasham chihohaida okthuilu, kala theishingkakhuiwui apongli zatlu.”

CHĀNSAM 9:6 Iomraidhean Croise

LAA 119:115

Makaphā kasābing, iwui eina thuihaolu, chithākha Varewui ningkhami ina mayonpaira,

LAA 45:10

Nganālu, O naongalāva̱, chukmajalu kala nakhanā nāshunglu; nawui mibing kala navāwui shimkhur malaihaolu;

CHĀNSAM 10:17

Hāngkachithei khuikasang mi kharing pongli kazatna, kha hāngkhamachin makhamayā mina ma̱thuihaowa.

CHĀNSAM 13:20

Thangkhamei mibingli ngayurkazata a chi thangmei, kha mangkhama̱bingwui ngasotnao kakhanang samphangra.

CHĀNSAM 23:19

Inaomayara, nganālu, kala thangmeilu, kala nawui ning khamashung apongvāk zatngasaklu.

CHĀNSAM 4:11

Thangkhameiwui apongli ina nali tamchitheihaira; ina mashungrik kahai shongfali nali thānzathaira.

CHĀNSAM 8:35

Kaja ili samkaphang china kharing samphanga, kala Prohowui eina ngahānkhangai samphanga;

CHĀNSAM 9:11

Kaja iwui mangā eina nawui atam mataisangra, kala nawui mirinli zingkum ngarumsangra.

EZEKIEL 11:20

chithāda athumna iwui shiyan-chikan kala sharphahorbing mayonda iwui kahāng nganāra; kala athum iwui mi ngasāra, kala I athumwui Vare ngasāra.

EZEKIEL 37:24

Iwui rao Davidna athumwuitungli mungra; kala saikorawui yaokahoma akhamāng leira. Athumna iwui ain mayonra kala iwui shiyan-chikan ngarangra.

LUKE 13:24

“Nathumna khamasha̱ khamong eina zangkhavai hotnālu, khiwui vangkhala kaja mi kachungkhana chili zangkhavai hotnāra kha mazangrarmara.

OTSAK 2:40

Peterna khangatei tui kachungkha eina shākhi mida athumli kasatsangda poi, “Makhamashunga mithot hiwui eina yāmshok khavai sālu.”

2 CORINTHNAO 6:17

Chiwui vang Prohona hānga, “Athumwui eina yāmshoklu, kala athumwui eina ngateihaolu. Makathar ot masāza̱alu, chithākha ina nathumli khuisangmira.

PHONGKHAMI 18:4

Chiwui thili ina kazingramwui eina akhon akha shālui. “Iwui mibing! awui eina yāmulu. Awui morei kasāli zangpaishina, awui ka̱lāshatli zangpaishina!