CHĀNSAM 4:4 - Kathara Bible (BSI)

⁴ ana ili tamchitheida hānga, “Iwui tui naningli shāptithailu; iwui ningkhami nganāda okthuilu;

CHĀNSAM 4:4 Iomraidhean Croise

HAOKAPHOK 18:19

Maningmana, kaja awui naongarāli, kala awui shimkhurli anaolamshong eina tangda kathar eina khamashung eina Prohowui shongfali zatkhavai kala Prohona ngashitmi kahai chi Abrahamna samphang khavai ali kapangkhui kahaina.”

1 THOTRINCHĀN 28:9

“Inaomayara Solomon, navāwui Vare chili theilu, kala ningtongda kala sangairereo ningtongda otram ngatha̱lu, kaja Prohona wuklung saikora theisera, kala kaphaning khangarān kachiva̱ theishapa. Nana ali phaakha, nana ali samphangra; kha nana malaihaiakha katang mavaila katāvali horhaora.

LAA 119:11

Ina nawui tui iningli shāptithaira, chithāda ina nali morei masāmara.

LAA 119:144

Nawui tamkachithei mashungchingra, I ringkhavai theishingkakhui milu.

LAA 119:168

Nawui tamkachithei kala ningkhami ina mayona; kaja iwui apong saikora nawui mangāli lei.

CHĀNSAM 22:6

Naona zatvārān apong chi tamchitheilu, ana kharar tharan chiwui eina mapākthuimara.

CHĀNSAM 23:26

Inaomayara, nawui ning ili milu, kala iwui apong namikna yangkhuiranu.

CHĀNSAM 3:1

Inaomayara, iwui tamkachithei mamalaihaialu; kha iwui ningkhami hi nawui wuklungli hailu;

CHĀNSAM 3:2

kaja nali china nawui mirin okkapei kala leikhayā mirin mira.

CHĀNSAM 7:2

Iwui ningkhami mayonda okthuilu, iwui tamkachithei namikli khamathā ot thāda hailu;

ISAIAH 55:3

“Khanāli shākhuingairareo ili rālu, manglā ringkhavai nganākhuilu; kala iwui makhangachei Davidli leikashiwui vang, nathumli iwui katang makhavai tuingashit akha sāra.

JEREMIAH 38:20

Jeremiahna hānga, “Athumwui pāngli nali mahorsangmilakmara, Prohowui tui ina kahāng hi nganakha nali khikha mathālakmara, namangla shākmira.

JOHN 12:50

Kala awui ningkhami china katang makhavai kharing khuirai kaji ina thei. Chieina ina kahāng hi Avāna kakasowui athishurda kasāna.”

EPHESIANAO 6:4

Ava̱-avāngarā, naongarāli athumna malungvātkapaiwui apong eina marākalu, kha Prohowui hāngkachithei kala kharāk chi eina rarkā ngasaklu.

KHALATLUI 4:9

“Ning ngasharmalu, ningli phumtithailu; nathum mik eina theikahai chila malaihaipaishina, kala mirin peida yansāngthuihaipaishina; nathumwui naongarā kala ara̱-azālila chi hāngchitheilu—

KHALATLUI 6:6

Kala aja ina kaso kahai tui hi nathumwui ningli phumtithaida;

2 TIMOTHY 1:5

Nashāyi Lois eina nashāva̱ Eunicewui shitkasang katha nawui ningkathar shitkasang chi ina phaningunga kala chi nali leichingrada shitsangchaowa.

2 TIMOTHY 3:15

kala nganuilakhawui eina thuida, Khrista Jishuli shitkasang mangā eina huikhami samphang khavaiwui apongli thanvākhamiwui thangkhamei mishapa kathara tui chi nana theihaira kaji phaningunglu.

HEBREWNAO 5:9

Kāshungchao ngasak kahai tharan awui kahāng khanganābing saikorawui vang katang makhavai huikhamiwui ura̱ok ngasāhaowa,

WUNGVA̱-WUNGVĀ 13:12

Kala Manoahna hānga, “Nana kahāng chi ungshungakha, nao hiwui acham-aram kathārakhala, kala ana khi sāmameira̱khala?”