CHĀNSAM 4:16 - Kathara Bible (BSI)

¹⁶ Kaja athumna khalāng ot masāranglakha eina tangda mapimana, mili phei mangaphok ngasakranglakha eina tangda mik sip majimana.

CHĀNSAM 4:16 Iomraidhean Croise

LAA 36:3

Akhamorwui tui makaphā eina mikhanamānga; ana thangmeida kaphā kasā maleiluimana.

LAA 36:4

Pilakha yankasai ot machukpi; khalatta makaphā shongfali zata; ana makaphāli mangakheimana.

CHĀNSAM 1:16

kaja athumwui pheina makaphāli vai, kala athuma ashee shokkhangasak thāklaka.

CHĀNSAM 2:14

makaphā kasāli khamathāna kala makaphā otsakli ningyāngkhaunga;

CHĀNSAM 4:15

Chili mazangalu, chili mavaalu; chiwui eina ngareithuida kānthulu.

ISAIAH 57:20

Kha makhayā chiya shamadru khangaphao thai; kaja china chingri mahairarmana, kala chiwui tara̱na situi kala leitui ngaphaoshoka.

JEREMIAH 9:4

Saikorana khongnainaoli ning ngasharranu, achināli ning mahorsangaranu; kaja achinā kachiva̱ mikhanamana, khongnai kachiva̱ khamashātana.

MICAH 2:1

Makaphā-makhayā phākashoka kala mapivāla makaphā makhayā khangarān kasaa kala pettungli makaphā kaphaning athum kalākashi ngasāranu! Ngathor kharā eina athumna ot chi sai, kaja chi sākashap pangshap athumwuili lei.

MICAH 7:3

Makaphāwui vang athumna themlāk eina sai; wungnao eina bichar kasaana pheizā poi, kala khangama mi china awui makaphā sākhangai chi hāngzata, hithāda athumna otsakruma.

LUKE 22:66

Kazing kathang eina hangva̱naobing, pāngmon akhokabing kala ain kathembing rākazipngaruma. Jishuli hanga̱shimli khuivāda hānga,

JOHN 18:28

Chiwui thili ngathorthakva athumna Caiaphaswui shimwui eina kārotli shimenvai. Jihudibingna kārotli mazangmana, kachiwui vangkhala kaja athum khalatta masāmakhaohaila Makānkhami zātkhānli zangkhavaina.

OTSAK 24:7

Kha akhavā Lyssiana ithumwui pāngwui eina namda rākhuithuihailaga ali kaphenbingli nawui mangāli rālu jihaowa.

2 PETER 2:14

Athum phophākhangai mikyanmāng eina yanga kala morei ot kasāli kapen mavaimana. Ning khangazanbingli athumna suikhui kala athumwui ningli kākharāmna pemtinghai. Athum khonshi kahai naongarāna!