CHĀNSAM 3:7 - Kathara Bible (BSI)

⁷ Na khalattawui mikyan eina na thangmeiya majialu; Proholi ngacheelu, kala makaphāwui eina ngareithuihaolu.

CHĀNSAM 3:7 Iomraidhean Croise

2 SAMUEL 12:20

Chieina Davidna ngakarthuida ra̱vaikhui, thao neokhui kala awui kashankachon shinkhuilaga Prohowui shimli vāda khoruma. Chiwui thili ana shimli unga; kala ana kashakazā kapo tharan athumna khuirāmida ana phāzai.

NEHEMIAH 5:15

Iwui mangāli leikasā khare rammunga sākasābingna mibingli ot chotlak eina sāngasaksai, zātla, drakhāra̱la ngashaikhui; chili lāngda shekel hangmatitila khui. Athumwui raobingnala mibingwuitungli akhavā sai. Kha iva Vareli khangacheewui vang chithāda masāmana.

JOBWUI LAIRIK 1:1

Uz ngaleili Job hoda mi akha leisai, ava shāt makālak kaja mashungrik kahai, kala Vareli ngacheeda makaphāli makazanga mi akhana.

JOBWUI LAIRIK 28:28

Kala ana mi chili hānga, “Yanglu, Proholi khangachee hi thangkhameina; kala makaphā horkahai hi theishingkakhuina.”

SHONGZĀ 20:20

Mosesna mibingli hānga, “Mangacheealu, kaja Varena nathumli chithei khavai rāhaira, chieina Vareli khangachee chi nathumwui leida chieina nathumn morei masāmara.”

CHĀNSAM 14:16

Thangkhama mina ngashara kala makaphāwui eina ngareithuihaowa, kha mangkhama̱na khangashar horhaida paireka.

CHĀNSAM 14:27

Proholi khangachee hi mirinwui ura̱na, kathi khalenwui eina yāmshok khavaina.

CHĀNSAM 16:6

Khayākashi kala ningkatong eina morei pheomi, kala Proholi khangacheewui vang mina makaphā masāmana.

CHĀNSAM 23:4

Lan chungda samphang khavai ngalang mazarlu, aya tungda sālu.

CHĀNSAM 26:12

khalattawui thangkhama mina da kaphaning mi nana katheila? Chikathā miwui vanga mangkhama̱awui kachihān kachangmei.

CHĀNSAM 26:5

Mangkhama̱ali awui mangkhama̱ thāda ngahānkaakha, a khalatta thangmeiya da phaningra.

CHĀNSAM 28:11

Kashānga mina a khalatta thangmeiya da phaninga, kha theishingkakhui kachāma china ali phāshokra.

CHĀNSAM 28:26

Khalattawui ningli shitkasang mi chi mangkhama̱na, kha thangkhamei eina kazat mili kanshokmira.

CHĀNSAM 8:13

Proholi khangachee hina makaphāli yangkakharingna. Lāngkaso kala khayāning khanganinga kala makaphāwui apong kala kapik kakhayang tuimatui ina yangkharinga.

HĀSHOKME 12:13

Naomeikapta; saikora shāhaira. Vareli ngacheelu, kala awui ningkhami mayonlu; kaja hi mi akhana sāphalungki kaji otna.

ISAIAH 5:21

Khalatta thangmeiada kaphaningbing, ngakaishitingting kahaibing, kakhanang ngasāranu!

ROMNAO 11:25

Nathum khalatta thangmeiya da kaphaning chi maphaning khavai ngathum kahai mashun tui ina chitheingaiya kaja Gentilebing marāzangseranglakha eina tangda Israel kaikhali ning makang ngasak kahaina.

ROMNAO 12:16

Ningkha-yangkha sāda okthuilu; makachorshialu, kha ngahuirihailu kala mathangmeirekalu.