CHĀNSAM 3:5 - Kathara Bible (BSI)

⁵ Naning tongda Proholi horsanglu, na khalattawui theikhavā chili machihānalu.

CHĀNSAM 3:5 Iomraidhean Croise

EZRA 8:23

Chiwui vang ithumna Vareli kakhum eina seihā sai, kala ana ithumwui kapo khuisangmi.

JOBWUI LAIRIK 13:15

Yanglu, ana ili sāthathaora; I kachihān maleithura; chithālala awui mangāli iwui mashun hāngphatra.

LAA 125:1

Proholi shitkasangbing, khangachei makhalei, katang makhavai Zion Kaphung kathāna.

LAA 37:3

Proholi shitsanglu kala kaphā sālu, chieina nana ram chili sompamra, kala ning tāphuphaira.

LAA 37:5

Nawui apong chi Proholi horsangmihaolu; ali shitsanglu, chithākha ana sāmira.

LAA 37:7

Prohowui mangāli chingrihailu, kala ali ning nganungkhun ngaraipamlu; mina awui apongli reikasang eina, makaphā arah kasābingwui vang makhanangalu!

LAA 62:8

O mibing, ali atam kachida shitsangchinglu; nathumwui ning ali milu; Vare hi ithum ngayin khavaina.

CHĀNSAM 22:19

Nawui ningkatong chi Proholi leikhavai ina aja hāngkachitheina, nalina.

CHĀNSAM 23:4

Lan chungda samphang khavai ngalang mazarlu, aya tungda sālu.

CHĀNSAM 28:26

Khalattawui ningli shitkasang mi chi mangkhama̱na, kha thangkhamei eina kazat mili kanshokmira.

CHĀNSAM 3:7

Na khalattawui mikyan eina na thangmeiya majialu; Proholi ngacheelu, kala makaphāwui eina ngareithuihaolu.

ISAIAH 12:2

Yanglu, Vare iwui huikhamena, ina shitsangda mangacheemara; kaja Proho VARE iwui yāngna kala iwui laana; kala ana iwui huikhame ngasāhaira.

JEREMIAH 10:23

O Proho, ina thei, kaja miwui apong akhalattawuili maleimana, mikumowui pheikār karvāshum khavai akhalattawuili maleimana.

JEREMIAH 9:23

Prohona hithāda hānga: “Thangkhamana awui thangmeiwui vang malangsoaranu; kapingana awui pangshapwui vang malangsoaranu; kala kashāngana awui lanwui vang malangsoaranu.

MISHĀN 9:20

Kachikathā atamli muiyā china khani kathumthang tabernacletungli leilala Prohowui kakaso athishurda ngasāma; chiwui thili Prohona kakaso athishurda zatphoka.

MISHĀN 9:22

Khanithangranu kachāngkharanu, sangmeiranu tabernaclewuitungli muiyā mangatha̱la leilakha eina tangda Israelwui mibingna mazatphokla ngasāma; muiyā lānkā kahai tharan zatphoka.

ROMNAO 12:16

Ningkha-yangkha sāda okthuilu; makachorshialu, kha ngahuirihailu kala mathangmeirekalu.

EPHESIANAO 1:12

Chiwui vang eina Khristali chihānkhare saki kaje ithumna Varewui tekhamateili sochikatsa.