1 Makaphā mili mayuishialu, athumli ngayurga dala malungmachāngalu;
Makaphaawui khamachinli makazata, morei kasaawui ngalemli makhanganinga, mana̱shi kazāra mili mangayurkapama mi chi sokhamina;
Morei kaphungbing eina ashee ra̱kachangbingli ngasoda imanglā makhuithuimihaialu,
Makaphaawui vang wukmakhanangalu, khalāng kasā mili mayuishialu!
Prohowui mangāli chingrihailu, kala ali ning nganungkhun ngaraipamlu; mina awui apongli reikasang eina, makaphā arah kasābingwui vang makhanangalu!
Kaja makaphābingwui mataikasang chi theilaga, ina athumwui langkaso chili mikpaishiya,
Thangkhamei mibingli ngayurkazata a chi thangmei, kha mangkhama̱bingwui ngasotnao kakhanang samphangra.
Naning morei kaphungbingli mayuishiaranu, kha thangkachida Proholi ngacheechingranu.
Kashi kasābingwui vang na khalatta maningkharikalu, kala makhayāli mayuishialu,
Sākashe mili mayuishilu, kala awui apong akhanidala masha̱alu,
Makaphābingwui apongli mazangalu, kala makaphā kasābingwui shongfali mazatalu.
Chili mazangalu, chili mavaalu; chiwui eina ngareithuida kānthulu.