CHĀNSAM 21:4 - Kathara Bible (BSI)

⁴ Khanganing mikyan eina lāngkaso ning, makhayāwui thaomei moreina.

CHĀNSAM 21:4 Iomraidhean Croise

JOBWUI LAIRIK 18:5

Mha, makaphā miwui kahor chi sāshimithaowa, awui meiwonna mahormana.

JOBWUI LAIRIK 18:6

Awui shimlungli kahor chi tangmangtinghai, kala awuitungli khalei thaomei sāshimithaira.

LAA 10:4

Makaphā china awui langkasowui vang Vareli maphāmana, awui kaphaning saikorali “Vare maleimana” kaji mānga.

LAA 101:5

Khongnainaoli ngathumda khamashāt, ali ina shimān ngasakra. Hiksor kahai kala langkaso mili ina mamayāmara.

LAA 131:1

O Proho, iningli malāngsomana, imikna chuilak eina mayangmana; iwui vang haklak kahai kala matakhak kahai otli ina ningkachāng maningmana.

CHĀNSAM 15:8

Makhayāwui pha̱kaphayā Prohowui mangāli ningkakachaina, kha mashungrik kahaiwui seihā kasā awui ningyāng khaungna.

CHĀNSAM 21:27

Makhayaawui pha̱kaphayā ningkakachai otna, kashi ningngai eina khuikharā tharan kayākha marmeirakhala!

CHĀNSAM 24:20

kaja makaphā miwui vang naoda chihān khavai maleimana, makhayāwui thaomei shimitmihaora.

CHĀNSAM 30:13

Mi kaikhava mikyan lāngsolaka, mikkor kayākha juida yangkākhala!

CHĀNSAM 6:16

Proho na ningkakachai tharuk lei, kashine hi awui yangkakharing otna:

CHĀNSAM 6:17

ngamsor kahai mikyan, kakapika male, khayon makhaleili ashee tākhangasak pāng,

CHĀNSAM 8:13

Proholi khangachee hina makaphāli yangkakharingna. Lāngkaso kala khayāning khanganinga kala makaphāwui apong kala kapik kakhayang tuimatui ina yangkharinga.

ISAIAH 10:12

Prohona Zion Phungreili kala Jerusalemli ana sāki kaji ot saikora sākupser kahai tharan Assyriawui awungana khayāning nganingda lāngkaso chili ana tandi mira.

ISAIAH 2:11

Mibingwui ngamsor kahai mikyanli nemngasakra, mibingwui langkasoli maishi ngasakra; chithanghon Prohomāngli masot mira.

ISAIAH 2:17

Hiksor kahai mili maishi ngasakra, miwui langkaso ning nemta ngasakra; chithang Prohomāngli masot mira.

ISAIAH 3:16

Prohona hānga: Khikhalajila Zionwui naongalava ngarāna hiksorsor, kui khalekta yaothuizata, kakhayak maleila mik thekzata, pheikār kashut kaseoda zata;

LUKE 11:34

Namikna naphasāwui thaomei na, namik makhamathing tharan naphasāla tangmangting haowa.

LUKE 18:14

Ina nathumli kahāngna, “Phariseepā maningla khāshinā khalokapāna pheokhami samphangda shimli hanunghaowa; kaja khalatta hakkakhui mi kachiva̱li teongasakra kala khalatta kateowana da kaphaninga mi chili hakngasakra.”

ROMNAO 14:23

Ningmaongda zākasang chi khayonna, kaja shitkasang eina kasā maningmana. Shitkasangwui eina makashok otsak ayāyāva̱ moreina.

1 PETER 5:5

Chithada sāda khanuithotbing ararnaobingwui kahāng nganālu kala nathum akha eina akha otram ngatha̱mi ngarok khavai khangahuiwui sāri ngavailu, kaja hithada kapihaida lei; “Varena langkasobingli ngasunga kha khangahuiale lumashanmi.”