CHĀNSAM 20:3 - Kathara Bible (BSI)

³ Khanganangwui eina tākathuia mi chi khayākakāna; kha mangkhama̱ kachiva̱na kaharpamra.

CHĀNSAM 20:3 Iomraidhean Croise

HAOKAPHOK 13:7

kala Abram eina Lotwui sei kahombing kharar ngarokhaowa. Atam chitharān ngalei chili Canaannaobing eina Periznaobing pamsai.

HAOKAPHOK 13:8

Chieina Abramna Lotli hānga, “Iniwui ngachaili kala iniwui sei kahomnaowui ngachaili makharar ngarokaranu, kaja ini shimkhur akhana.

2 WUNGNAOBING 14:9

Chieina Israelwui awunga Jehoashna Judahwui awunga Amaziahli pao chihovai, “Lebanonli khalei ka̱shātrongna Lebanonli khalei cedarthingli ‘Nanao ngalāva̱ inaomayarawui preiva̱ sākhavai milu’ da hānga; kala Lebanonwui ramsā akha rākānda ka̱shāt chi naikachupmihaowa.

CHĀNSAM 14:17

Malungvatkazārana mangma̱sak eina sai, kha kashi kaphā kathei mina ngarina.

CHĀNSAM 14:29

Malung mavātkazāra mi chi theishingkakhui kahakva lei, kha malungvātkazārana maphākakhuili masot mi.

CHĀNSAM 16:32

Malung mathuikazar mi china pangshap khaleiali phāmei, khalatta ngarinkashapa china keinung khuikashapali kachangmei.

CHĀNSAM 17:14

Khanganang haokaphok hi tara̱ longshok khangasak kathāna, chieina makhararphokranglakha thāhaolu.

CHĀNSAM 18:6

Mangkhama̱wui morchaina nganang ngasaka, kala akhamorna kashao reokhuiya.

CHĀNSAM 19:11

Ning khamathāna mina malung mavātzarmana, kala miwui sākhangui yangkhumkhami chi awui khayākakāna.

CHĀNSAM 21:24

“Mashātkazar” kaho hi langkasobing, khayāning khanganing, kachorkashi ot kasā miwui amingna.

CHĀNSAM 26:17

Miwui kakhararli awui thāda zangphāphā kaje mi chiya, shongfali zatkasā fa khanāli yonkakhui kathāna.

EPHESIANAO 4:32

Chiwui mahutliva Khristawui mangā eina Varena nathumli pheokhami chithada, nathum akha eina akha pheomi ngarokta malungkhanim eina ningngaishi ngaroklu.

JAMES 3:14

Kha nathumwui wuklungli mikpaikashi, ningkakhā, ichāchāwui kaphaning leiakha lāngsoda khamashung chili makapikalu.

JAMES 4:1

Nathumwui alungli khangama̱ khangashao hi khina shokkhangasakhala? Chi nathumwui ningli phasāwui ningkachāng otmāng kaphaning eina kashokna.