CHĀNSAM 20:2 - Kathara Bible (BSI)

² Awungawui meichot malungkhavāt chiya kazingkha̱ kakhangang kathāna; ali malungvātkhangasaka chi manglā shimāna.

CHĀNSAM 20:2 Iomraidhean Croise

1 WUNGNAOBING 2:23

Chiwui thili Awunga Solomonna Prohowui ming singda hānga, “Hāngda khalei tui hiwui vang Adonijah mathisi kaja Varena ili theiranu.

1 WUNGNAOBING 2:24

Ili sakhamiya, kala ishāvā Davidwui wungpamkhongli ili chipamkhame, ngashitmi kahai athishurda ili shimkhur akha semka khangasaka Prohowui ming singda kahāngna, aja zimik Adonijahli shaothatphalungra.”

CHĀNSAM 19:12

Awungawui malung kathui kazingkha̱ kakhangang thai, kha awui ngahānkhangai thingnā-ra̱hātungli ikra̱ katā thai.

CHĀNSAM 8:36

kha ili phāyon kahaibing khalatta khamā za̱khui; ili yangkakharingbing saikora kathili leishi.”

HĀSHOKME 10:4

Khamungana nawuitungli malungvātlala nawui pam machihohaialu, kaja pāmkasangna hakkhamahā kashong ngachei ngasaka.

HOSEA 11:10

Athumna Prohowui thi shurra, ana kazingkha̱ thāda khangangra; mha, ana khangangra, kala awui naobing kathirriri zimiktunshong eina ungra.

AMOS 3:8

Kazingkha̱na khanganghaira, khipāna mangacheera? Proho VAREna hānghaira; khipāna mamarānra?”

HABAKKUK 2:10

Nana miyur kachungkhali katathaida, nawui shimkhurwui vang khayākhamalā sākhuihaira, namanglā hamhaira.

MISHĀN 16:38

morei kasābing china manglā hamlaga kasing thaokhongbing chi tharhaira; chieina chibing chi shaokhuida hanphutsham sākhuiranu; kaja hibing hi Prohowui mangāli athumna chigat kahai otna chiwui vang hi katharana. Hithāda sāda Israelwui mibingli machutkhui khavai khudam sāngasakra.”