CHĀNSAM 2:5 - Kathara Bible (BSI)

⁵ Proholi khangachee chi theikhuira kala Varewui awor chi samphangra.

CHĀNSAM 2:5 Iomraidhean Croise

JOBWUI LAIRIK 28:28

Kala ana mi chili hānga, “Yanglu, Proholi khangachee hi thangkhameina; kala makaphā horkahai hi theishingkakhuina.”

CHĀNSAM 1:7

Proholi khangachee hi theishingkakhui haokaphokana; Mangkhama̱bingna thangkhamei kala hāngkachitheili yangkharinga.

CHĀNSAM 28:7

Ain khamayona chi thangkhama naomayarana, kha morkahākli khangaso china avāva̱li maishi ngasaka.

CHĀNSAM 8:17

Ili leikashibing chili ina leishi, kala ili ningsanglak eina kaphābingna ili samphanga.

CHĀNSAM 9:10

Proholi khangachee hi thangmei haokaphokana, kala Katharapawui awor chi theishingkakhuina.

ISAIAH 33:6

Kala ana nawui thotwui, khavāt makhalei huikhamiwui, thangkhamei, kala theishingkakhuiwui rungshinga ngasāra; Proholi khangachee hi awui lanna.

JEREMIAH 24:7

I Prohona da theikhui khavai athumli ning sangmira, kala athumna iwui mibing ngasāra kala ina athumwui Vare sāra kaja athumna ningtongda ili hanungra.

JEREMIAH 31:34

Mi kachiva̱na khongnainaoli kala achināli, ‘Proholi theilu,’ da hānglaga matamchithei ngarokmara, kaja kateola khareila mi kachiva̱na ili theiserra; da Prohona hānga; kaja athumwui khayon ina pheomira, kala athumwui morei sākahai maphaningungluimara da Prohona hānga.”

JEREMIAH 9:24

Kha langso khangaipā china hi theishingkhuida ili theiranu, kaja, okathuili lumashankatha, mashun, khangarong kasā chi Proho ina; kaja hikathā otsakli ina ningyāng unglaka da Prohona hānga.”

HOSEA 6:3

Ithum theisa kaja, Proholi theikhavai sakchangda hotnāsa; ana sāki kaji chi kazing kathang thāda makahatlakmana; ana ithumli zngrot thāda rāra, ngaleili ikkhami zingrot thāda.”

MATTHEW 11:27

“Ishāvāna ili ot saikora horsangmihaira. Avā maningla Anaomayarali khipānakha matheimana, kala anaomayarana kala ana theingasakngaida kapangkakhuiabing maningla khipānakha Avāli matheimana.

LUKE 10:22

“Ot saikora iwui Avāna ili horsangmihaira, kala Anaomayara hi khipākhala da Avā maningla khipānakha matheimana; kala Avāva̱ hi khipākhala da Anaomayara maningla khipānakha matheimana, kala Anaomayarana kachikathāli kapangkhuida chitheikhami maningla khipānakha matheimana.”

JOHN 17:3

Katang makhavai kharing kaji hi akhamāng kaje khamashunga Vareli kala nana kashirāta Jishu Khristali mikumona kathei hina.

1 JOHN 5:20

Varewui Naomayara rāhaira kala ithumli theishingkhui ngasakhaira kaji ithumna thei. Ithum khamashunga Vare, Anaomayara Jishu Khristali ringrumda lei. Hi khamashunga Vare kala makashimān Kharing china.