CHĀNSAM 2:12 - Kathara Bible (BSI)

¹² makaphā apongwui eina nali kanmira, matuiphāphā kaji mi,

CHĀNSAM 2:12 Iomraidhean Croise

LAA 101:4

Wuklung khamakhao iwui eina tāthuihaora; makaphā kaho ina mayangsangmara.

LAA 141:4

Makaphā akhalinidala ining mayuithui ngasakmialu, morei otsak kasābingli ngarumda, makaphā otsakli I khalatta ngalangmazar ngasakmialu; kala athumwui zākapha mangkaphā chi mazā-mamang ngasakmialu!

CHĀNSAM 10:32

Khangarongawui morchaina khuisangkapai tui thei, kha makhayāwui khamorliva, mashokhangachei tuimānga.

CHĀNSAM 13:20

Thangkhamei mibingli ngayurkazata a chi thangmei, kha mangkhama̱bingwui ngasotnao kakhanang samphangra.

CHĀNSAM 23:33

Namikna makhanining theira, naningna masho ngacheida tui matuira.

CHĀNSAM 28:26

Khalattawui ningli shitkasang mi chi mangkhama̱na, kha thangkhamei eina kazat mili kanshokmira.

CHĀNSAM 3:32

kaja thānkhangui mi chi Prohowui mangāli ningkakachaina, kha khangatara mi chili ana shitsangchaowa.

CHĀNSAM 6:12

Makānkhanā makaphā mina kha̱khamakhei tui matuizata,

CHĀNSAM 8:13

Proholi khangachee hina makaphāli yangkakharingna. Lāngkaso kala khayāning khanganinga kala makaphāwui apong kala kapik kakhayang tuimatui ina yangkharinga.

CHĀNSAM 9:6

Ningkasham chihohaida okthuilu, kala theishingkakhuiwui apongli zatlu.”

OTSAK 20:30

Kala nathumwui ngachaiwui eina mashongacheida khamatuia kaikha shokta shitkasangabingli athumwui athi shurkhavai sāra.

1 CORINTHNAO 15:33

Maminam ngasakalu, “Makaphā ngasotnaona kaphā mili shimān ngasaka.”

2 CORINTHNAO 6:17

Chiwui vang Prohona hānga, “Athumwui eina yāmshoklu, kala athumwui eina ngateihaolu. Makathar ot masāza̱alu, chithākha ina nathumli khuisangmira.