CHĀNSAM 17:3 - Kathara Bible (BSI)

³ Khāng lupāsāwui vāngna, sharkha̱ sināwui vāngna, kala Prohona ning tamyanga.

CHĀNSAM 17:3 Iomraidhean Croise

1 THOTRINCHĀN 29:17

Nana wuklung tamyangda mashungrik kahaili ningyangkhaung lei kaji ina thei, iwui Vare, ot saikora hi ina ningtongda kachigatna, kala hili khalei nawui mibing saikorana nawui vang mathanthathup eina kachigatna kaji ara ina theihaira.

JOBWUI LAIRIK 23:10

Kha ina kazat shongfa chi ana thei, ana ili chāng yanghaiakha I sinā thāda shokra.

JOBWUI LAIRIK 28:1

Kachangkhat eina lupāsā shokkhavai pam lei, kala sinā langkhavai pam lei.

LAA 139:23

Kapeoyanglu O Vare, iwui wuklung theimilu! Chāng yangda iwui ninglan theimilu!

LAA 26:2

O Proho, ili katamla tamyangda machutkakhuila sāyanglu, iwui wuklungla, ningla yangkhuilu.

LAA 66:10

Kaja, O Vare, nana ithumli tamyanghaira; lupāsāli ruikhayang thāda nana ithumli tamyanghaira.

CHĀNSAM 15:11

Kathewui ram eina Abaddon Prohowui mangāli ngahāhang eina lei, mibingwui wuklung kayākha mataida leirakhala!

CHĀNSAM 16:2

Mi akhawui apong saikora awui mikyanli tharda thei, kha Prohona manglāli chāng yanga.

CHĀNSAM 17:2

Thangmeilak eina kasā raonao china makhangatun naomayarawuitungli mungra, kala chinaongarā akha thāda shimlui samphangra.

CHĀNSAM 21:2

Mina awui kasāsā chi awui miktāli mashunga da phaninga, kha Prohona ning onyanga.

CHĀNSAM 27:21

Khāng lupāsāwui vāngna, sharkha̱ sināwui vāngna, mili awui kaso eina theikhui.

ISAIAH 48:10

Yanglu, ina nathumli langhaira, kha lupāsā mathāmana; Ina nathumli kakhanangwui sharkha̱li chāng yanghaira.

JEREMIAH 17:10

Proho, Ina ningli kapeoyanga, kala wuklungli tamyanga; mi kachiva̱li awui apongwui thishurda, awui kasāsāwui athei athishurda mikhavaina.”

EZEKIEL 22:18

“Miwui naomayara, Israelwui shimkhur iwui vang maripaih sāthuihaira; athum katonga, lupāsāla, pithraila, tinsāla, marila, hārsāla sharkha̱li sangda maripaih sāthuiserhaira.

DANIEL 11:35

kala athumwui ngachaili kachikathā thangkhamabing kongluira, athumli sāmathāda tharkhui khavai, kala atam maungranglakha eina tangda charkhavai, kaja retsang kahai atam chi leifaya.

ZECHARIAH 13:9

Kala akhum kakathuma hi ina meili sangra, lupāsā heikakhui thāda heikhuira kala sinā khayāng thāda yāngkhuira. Athumna iming ngakaora, kala ina athumli ngahānkāra. kala ina ‘Athum iwui miyurna’ jira; kala athumna Proho iwui Varena” da hāngra.

KHALATLUI 8:16

nathum malangso khavai kala nathumwui ning yangkhui khavai, kaja naoda kaphā ngasā khavai, lamhāngli leilakha, nawo ngarāna matheithangkhamei manna mizai.

KHALATLUI 8:2

Kala malangso khavai, nathumwui ning yangkhui khavai kala Varewui ningkhami mamayonnikhalada yangkhui khavai, zingkum hangmati lamhāngli Prohona thānkazat nathumna phaningungra.

1 PETER 1:7

Hiwui khangarān hiya nathumwui shitkasang akachanga chi phongshok khavaina. Shimankapai sinā meili ruikhayang thada sakmeikhar kaja nathumwui shitkasangla chāng yangphalungra, chi nathumwui shitkasang ngatarmei khavaina. Chiwui thili Jishu Khristali rāchitheithanghon nathumna masot, tekhamatei kala maikhayā samphangra.

PHONGKHAMI 2:23

Awui thikashurabingli ina sāthatserhaora, chieina church saikorana I hi mi saikorawui kaphaning sākhangai katheiana da theikhuira. Kala nathum kachiva̱li kachichāna sākahai athishurda mira.