CHĀNSAM 16:4 - Kathara Bible (BSI)

⁴ Ot kachiva̱ kharin leilaga Prohona sākahaina, makhayā chila kakhanang zimiksho chiwui vangna.

CHĀNSAM 16:4 Iomraidhean Croise

HAOKAPHOK 1:31

Kala Varena sākahai saikora chi yanglaga phālakhaira da ana thei. Chithang ngazin eina ngathor chi katharuka thangna.

JOBWUI LAIRIK 15:23

Kashakazā kachili leikhala? da ana phāshang phātai, tangkhamanga zimiksho awui pāngli leihaira da thei,

JOBWUI LAIRIK 21:30

kaja makhayābingli unshimui atamli huikhui, kala malungkathui atamli kankhui kaji?

SHONGZĀ 9:16

kha hiwui vang ina nathumli ringkhangasakna, iwui pangshap nathumli chitheida, okathui katongali iwui ming ngayaovāra.

CHĀNSAM 16:5

Yākhangai hi Prohowui mangāli ningkakachai otna, ali tandi mamila machihomara kaji theilu.

HĀSHOKME 3:11

Ana ot kachiva̱ kachichāwui atamli mathāsek eina sāhai; kala mikumowui ninglila ana katang makhavai sangmi; kha chithālala Varena haokaphok eina thuilaga katang eina tangda khi sahaikhala kaji maphāshokrar khavai sāmihai.

ISAIAH 43:21

I khalattawui vang sākhui kahai mibing hi chithāda sāda athumna iwui masot phongra.”

ISAIAH 43:7

Iwui ming eina hokhui kahai saikora, iwui tekmatei khavai ina sakahaibing, ina semda sākhui kahaibing.”

ROMNAO 11:36

Kaja ot saikora ana kasāna kala awui mangā eina khaleina, kala awui vang khaleisera. Vareli katang mavaila tekmateichingranu. Amen.

ROMNAO 9:22

Kala Varena kasā chila hithāpapama. Varena awui malungkhavāt chishotta mibingli awui pangshap theingasakngai, kha sāshimān khavai ngarānping kahai, ana malungvāt kahai mibingli kasāngkha ningzingharingmi.

1 PETER 2:8

Khangateilila hithada kapihaili: “Mibingli phei ngaphok ngasakki kaji lunggui, athumli konglui ngasakki kaji lunghār” kaja athumna kahāng makhanganāwui vang phei ngaphoka; chi Varewui kaphaningna.

2 PETER 2:3

Karāmhaoda minama ojābing hina nathumli athumwui ningkap eina semkakhui khararchān chieina kateizāra, kaja hikathā mibing hiya shimānphalungra kaji hi achālakhawui eina hāngmarān kahaina, kha atam kasha̱nakhawui vang mashimānki kaji thasālala athum chiya shimānphalungra.

2 PETER 2:9

khamashungbingli kathada kachotkachāngwui eina kanshokrakhala kala bichar sāki kaji zimiksho marāranglakha makaphābingli kathada tandi mida narhairakhala kaji Prohona thei.

PHONGKHAMI 4:11

“Ithumwui Proho Vare, tekhamatei, khayākakā pangshap samphangngayilaka, khikhalajila ot saikora nana sākhuisera, saikora nawui kaphaning eina shoksera kala sākhuisera.”