CHĀNSAM 14:3 - Kathara Bible (BSI)

³ Mangkhama̱wui chānmatui akhumkorwui lijeina, kha thangkhamawui morchaina athumli phārimira.

CHĀNSAM 14:3 Iomraidhean Croise

JOBWUI LAIRIK 5:21

Malena khamashātwui eina nali thummihaira, kala shimān ngasak khavai kharā tharānlila nana mangacheemara.

LAA 12:3

Sotkhamasao morchai, kagapik-kakhayanga male chi Prohona rimtamiranu;

LAA 31:18

Langsoda kala temshida mashunli mamayāmada, matheimiphutla khamatui kakapika morchaibing khak ma̱haoranu.

LAA 57:4

Miwui naomayarabingli kārāmda kashaia kazingkha̱bingwui alungli, ina ngayaipama; athumwui ahā kazei kala malāthing thai, athumwui male kazana raighai thai.

CHĀNSAM 12:6

Makhayāwui tuina ashee shokkhavai rimpama, kha mashungrik kahaiwui khamorna mibingli kanshokmi.

CHĀNSAM 13:3

Khamorli khangarin mina awui mirin phārihai, morsham makhavai mi chi kashimānli zanga.

CHĀNSAM 14:4

Mukkā makhalei pamli, zātla maleimana; kha makhavāta theishirai mukkāwui pangshap einana.

CHĀNSAM 18:6

Mangkhama̱wui morchaina nganang ngasaka, kala akhamorna kashao reokhuiya.

CHĀNSAM 18:7

Mangkhama̱wui khamor awui shimān khavaina, kala amorchaina khalattawui khalen kasangna.

CHĀNSAM 21:24

“Mashātkazar” kaho hi langkasobing, khayāning khanganing, kachorkashi ot kasā miwui amingna.

CHĀNSAM 22:8

Makhamashung yaokasang mina kakhanang hātkhuira, kala awui lungthot lijei khikha masāvaimara.

CHĀNSAM 28:25

Kākharam mina nganang ngasaka, kha Proholi shitkasang mili shāngsang ngasakra.

DANIEL 7:20

kala akuili angaji tharā kakā, naoda akha kashok eina leikasā kathum tātung kahai, kala angajili amik kala akhamor kālaga tui kachungkha matuida khangateibingli hakmeikap kaji chiwui pongli ina theingailakhaowa.

2 PETER 2:18

Athumna mangkhama̱wui lāngsot tui tham-tham matuida moreiwui eina yāmshoknanaida khalei athumli phasāwui khamathang eina suiya.

PHONGKHAMI 12:11

Yaonao chigatkhami mangā eina, kala kathar tui athumna shākhi kasā chi eina ali yuihaira; kaja athumna manglā kachiho mashivāmana.

PHONGKHAMI 3:10

khikhalajila nana iwui tui mayontit kahaiwui vang okathuili okthuida khalei mi saikorali chāng yangkhavai apuk-apagawuitungli rāki kaji kachotkachāng chiwui eina ina nali kanmira.

1 SAMUEL 2:3

Langsoda tui mamatuiluilu, yākhangai tui nakhamorli mashokranu; kaja Prohohi theiser kaje Varena, kala otsak saikora ana tama.