CHĀNSAM 13:7 - Kathara Bible (BSI)

⁷ Mi akhana shāngreka, kha khikha mangavāmana; khangatei akhana chāmreka, kha lan kachungkha lei.

CHĀNSAM 13:7 Iomraidhean Croise

CHĀNSAM 11:24

Thada khame china shāngsanga; miphalungki kaji makhame a chiya khavāt samphanga.

CHĀNSAM 12:9

Khangam-kharei sāreklaga zākhavai makhaleiliva, ngazanlala khalatta nganingkazā chongmei.

CHĀNSAM 13:11

Hunkhali samkaphang lan shimān ngalāngra, kha teomamei kazipkakhui china mataisang mamānra.

CHĀNSAM 13:8

Mi akhawui mirin ngatangman awui lanna, kha kachāma chiya ngatangmi khavai maleimana.

LUKE 12:20

Kha Varena ali hānga, ‘Mangkhama̱a! Arui ngayā nawui manglā khuithuihaora’ chithākha ana kazip kahai lan saikora chi khipāwui ngasārakhala?”

LUKE 12:21

Chi tākam eina akhalattawui vang lan tarākha kazipsanghailaga Varewui miktāli makashāng mi chi chithai” da Jishuna hānga.

LUKE 12:33

Nathumwui khalalei lan yorhaolu kala kathai-kachāmbingli milu; nathum khalatta kakān makhavai pheisākhao sākhuilu kala nathumwui lan chi kakānla mavailuiki kaji kazingramli phārihailu. Chili khalenala maleethuirarmara kala magungnala mazāmara,

1 CORINTHNAO 4:8

Nathumwui ningkachāng samphangserhaira! Nathum shāngserhaira! Inina kajimada, nathumva wungnao sāserura! Nathum wungnaolaksi kaje inila nathumli ngasoda mungrumramā!

2 CORINTHNAO 4:7

Tha-ilala manglārinwui lan hi khalei ithum hi ngaleiham kathāna, kaja juikhamataia pangshap chi Varewuina ithumwui maningmana da chithei khavaina.

2 CORINTHNAO 6:10

khananglala ringphāchinga, chāmlala shānglak kahai thai, khikha maleilala, saikora vaisera.

JAMES 2:5

Nganāmilu, leikashiya ivānaobing, Vareli leikashebingli ana ngashitmi kahai wungram chiwui shimluikat kala shitkasangli kashānga mi ngasā khavai okathuili kachāmabingli Varena kapangkhui.

2 PETER 2:19

Athumna ningkhān mirada ngashitzata, kha athum khalatta shimānhaoki kaji makaphā-makhayāwui raobingna. Kaja kachikathā ot akhana mi akhali yuihaiakha mipā chi ot chiwui raona.

PHONGKHAMI 2:9

Ina nawui kachotkachāng kala kachām thei, (kha nathum shānglaka). Jehudina da hānglaga maningkasā athumna khamashāt ina thei, athum Satanwui synagogue akhana.

PHONGKHAMI 3:17

Nakhalatta ‘I shāngshuna, ringphāshuna, kala khavāt akhala meleimana’ da hānga kha na makathuka, khikha masā khavai, kachāma khangapeowa, kala kachon makhangavaiana kajiva matheimana.