CHĀNSAM 11:4 - Kathara Bible (BSI)

⁴ Malungkhavat atamli lanwui kānkhanā maleimana; kha khamashung khangarongna kathiwui eina kanmi.

CHĀNSAM 11:4 Iomraidhean Croise

HAOKAPHOK 7:1

Chiwui thili Prohona Noahli hānga, “Na kala nashi shimkhur katonga marikhong alungli zanghaolu, kaja mithot hili na iwui mangāli khamashungana da ina theihaira.

JOBWUI LAIRIK 20:28

Awui shimkhurli kazipsang kahai chi khuithuihaora, Varewui malungkakang zimiksholi awui lan saikora longthuihaora.

CHĀNSAM 10:2

Makaphā-makhayā eina tongkhuida kazipkasang tongkazā maleimana, kha khamashung khangarongna kathiwui eina kankhuimi.

CHĀNSAM 12:28

Khangarong shongfali kharing lei, kha khanguiwui apongna kathili thānvai.

CHĀNSAM 6:34

Kaja yuikashina mi akhali malung thuingasaka, kala athut kakhui tharan mataimilakmara.

ISAIAH 10:3

Katāva̱wui eina siphan zingrotwui alungli tandi mikhavai, rāki kaji zimikshothang nathum khi sāra? Ngachonmi khavai khipāli yāmvāra, kala nathumwui lan kali nothāhaora?

EZEKIEL 14:14

Noah, Daniel, Job ashi kathum zangsālala, athum kathumla athumwui khamashung khangarong mangā eina athumāng shokra,” da Proho VAREna hānga.

EZEKIEL 7:19

Lupāsāla chānreili horkathānra, kala athumwui sināla makathar ot thāhaora; Prohowui malungkhavāt zimiksholi athumwui sinā eina lupāna athumli mangatangkhuirarmara; athumna athumwui kathai kala awuk machipemrarmara. Kaja china athumwui morei kasāli phei ngaphok khavai sāthuihaowa.

ZEPHANIAH 1:18

Prohowui malungkathui zimiksholi, athumwui lupāsānala, sinānala mangatangkhuirarmara, awui yuishātwui malungkhavāt alungli okathui saikora shimān ngasakra. Okathuili khalei saikora kashuirak hunkhawui alungli shimān ngasakra.

MATTHEW 16:26

Kaja mi akhana okathui tongda samphanglaga awui mirin shimānhaiakha awui tongkaza khi leikhala? Lha mi akhana awui mirin eina ngatha̱khuikapai khi leikhala?

LUKE 12:20

Kha Varena ali hānga, ‘Mangkhama̱a! Arui ngayā nawui manglā khuithuihaora’ chithākha ana kazip kahai lan saikora chi khipāwui ngasārakhala?”

ROMNAO 5:17

Mi akhawui moreiwui vang kathina mungsai kha Jishu Khristana sāmi kahai athei china kayākha hakmeikhala! Varewui makhavāta lukhamashan kala khamashung-khangarongwui lemmet samkaphanga athumna Jishu Khristawui mangā eina kharing samphangra.

1 TIMOTHY 4:8

Phasāwui pongli tamkakhui tongkazā chi kateokhamaya, kha Vareli kaphaning hiya aruihonwui mirinlila, rāki kaji mirinwui vangla khangashit khaleiwui vang apong kachiva̱li tongzai.