CHĀNSAM 10:7 - Kathara Bible (BSI)

⁷ Khangaronga mili sokhaminada phaningunga, kha makhayā miwui aming shuitāra.

CHĀNSAM 10:7 Iomraidhean Croise

1 WUNGNAOBING 11:36

Chithālala awui naoli shang akha mira, kaja iwui ming leiching khavai ina kapangkhui kahai Jerusalemwui keinungli Davidwui thaomei akha sharhaiching khavaina.

2 WUNGNAOBING 19:34

Kaja I khalattawui vang kala iwui rao Davidwui vang ina keinung hi kankhuiki kajina.”

2 THOTRINCHĀN 24:16

Athumna ali Davidwui keinungli awungabingli ngasoda chifahaowa, kaja ana Israelwui vang, Varewui vang kala awui shimkhurwui vang kapha sāmihaisai.

2 THOTRINCHĀN 32:33

Hezekiah thihaida Davidwui naomayarabingwui chikhurpamwui ashanli chifahaowa. A kathi atamli Judah saikora kala Jerusalemli kapam mibingna khayāshilak eina sāmi. Kala anaomayara Manassehna awui mahut thuishina.

JOBWUI LAIRIK 18:17

Awui ningphun ngaleitungwui eina shimānphoka, kala shongfali awui ming maleiluimara.

JOBWUI LAIRIK 24:20

Keinungwui kayāngkhareina athumli malaihaowa; athumwui ming maphaningungluimana; chithāda makaphā makhayā chi thingkatek thāda tekngasaka.

JOBWUI LAIRIK 27:23

China ali pāng kapherora kala apam chiwui eina ali kasirora.

LAA 109:13

Awui ara̱-azā katathaoranu; thot kakhaneli aming shimithaoranu!

LAA 109:15

Saikora chi Prohowui mangāli leichingranu; kala ali phaningkhaung okathuiwui eina malaichaohaoranu!

LAA 112:6

Kaja khamashung khangaronga chili mangatha̱ ngasaklakmara; ali phaningungchingra.

LAA 34:16

Makaphā kasābingli Prohona mamayāngaimana, okathuili athumli maphaningung khavai.

LAA 34:17

Ngachonmi khavai khangarongana khavao tharan Prohona shāmi, kala athumwui kakhanang saikorawui eina kanshokmi.

LAA 41:5

Iwui yangkashebingna ningkhāda “A katharan thida aming shimānrakhala?” da hānga.

CHĀNSAM 22:1

Kashāng-khareile kaphā aming kapangkhuitha̱ra, kala sinā lupāle mina ngahānkhangai phāmei.

HĀSHOKME 8:10

Chieina makaphā makhayābingli chifa kahai ina thei; athumna kathara apamli shokzang sāsai, kala athumna keinungli kaphākasāwui vang masot samphanga. Hila aremana.

ISAIAH 14:22

Saikorawui Prohona hānga: “Ina athumli mamayāmara, kala Babylonwui eina awui ming eina shākkahai, naotun kala kashāng-khareiwui eina katathaora, da Prohona hānga.

JEREMIAH 17:13

O Proho, Israelwui kachihāna, nali horkahaibing maishi ngasakra; nawui eina ngareithui kahaibing chi okathuiwui mishānli yisanghaira; kaja kharing tara̱wui ura̱, Proho chili athumna horhaowa.

MARK 14:9

Kachangkhat eina ina nathumli kahāngna, ali phaningkhaung sāda ana sāmi kahai chi paokaphā hākashokpam kachida hāngmira.”

LUKE 1:48

Kaja ana awui khangazanva̱ rao sha̱naoli phaningmihaira. Khikhalajila yanglu, aja eina thuida thot kachiva̱na, ili somi kahaiva̱ da hora.