CHĀNSAM 10:2 - Kathara Bible (BSI)

² Makaphā-makhayā eina tongkhuida kazipkasang tongkazā maleimana, kha khamashung khangarongna kathiwui eina kankhuimi.

CHĀNSAM 10:2 Iomraidhean Croise

CHĀNSAM 11:4

Malungkhavat atamli lanwui kānkhanā maleimana; kha khamashung khangarongna kathiwui eina kanmi.

CHĀNSAM 12:28

Khangarong shongfali kharing lei, kha khanguiwui apongna kathili thānvai.

CHĀNSAM 13:11

Hunkhali samkaphang lan shimān ngalāngra, kha teomamei kazipkakhui china mataisang mamānra.

CHĀNSAM 21:6

Kakapika male eina kazipkasang lan phankazata akahur kala kathiwui khalen kathāna.

EZEKIEL 7:19

Lupāsāla chānreili horkathānra, kala athumwui sināla makathar ot thāhaora; Prohowui malungkhavāt zimiksholi athumwui sinā eina lupāna athumli mangatangkhuirarmara; athumna athumwui kathai kala awuk machipemrarmara. Kaja china athumwui morei kasāli phei ngaphok khavai sāthuihaowa.

DANIEL 4:27

Chiwui vang eina O awunga, iwui kahāng hi khuisangmilu; morei ot horhaida kathar pongli zanglu, khalāng ot chihohaida khangazanbingli lumashanmilu, chingri eina sāngmeida okthui khavaina.”

ZEPHANIAH 1:18

Prohowui malungkathui zimiksholi, athumwui lupāsānala, sinānala mangatangkhuirarmara, awui yuishātwui malungkhavāt alungli okathui saikora shimān ngasakra. Okathuili khalei saikora kashuirak hunkhawui alungli shimān ngasakra.

ROMNAO 2:5

Kha nawui ning khamarar kala mangacheikhangai china Varewui malungkhavāt kala mashun bichar sāthanghon ritkhamei tandi samphang khavai nakhalatta kazipkakhui ngasāra.

ROMNAO 5:21

Moreina kathiwuilungli khamung thada, Jishu Khristawui mangā eina samkaphang Varewui lukhamashan china mashung ngasakta ithumli katang makhavai kharing miya.

PHILIPPINAO 3:9

kala ali ngarumchaohaipai. Ain khamayonwui vang I khalattawui khamashung khangarong chi I maleiluimana. Ara ina khalei chiya shitkasangli pheisinda Varewui eina kharā, Khristali shitkasang manga eina khami khamashung khangarong china.