CHĀNSAM 10:11 - Kathara Bible (BSI)

¹¹ Khangarongawui khamor kharinga ura̱na, kha makhayāwui khamorli sākathat ngathumhai.

CHĀNSAM 10:11 Iomraidhean Croise

LAA 107:42

Mashungrik kahaibingna chi theida mathāna; kala makaphā makhayā saikorana khamor kafakhamhaowa.

CHĀNSAM 10:32

Khangarongawui morchaina khuisangkapai tui thei, kha makhayāwui khamorliva, mashokhangachei tuimānga.

CHĀNSAM 10:6

Sokhami hi khangarongbingwui kuili lei, kha makhayāwui khamorli sākashimāng thumhai.

CHĀNSAM 13:14

Thangkhamawui tamkachithei mirinwui ura̱na, china kathi khalenwui eina yāmshokshapa.

CHĀNSAM 15:4

Khanima male hi kharingawui thingrongna, kha sākashi chānhanna khamā za̱ngasaka.

CHĀNSAM 15:7

Thangkhamawui morchaina awor yaosangmi, mangkhama̱wuiva chi mathāmana.

CHĀNSAM 18:4

Mi khamorwui tui hiya kathuka tara̱na, thangkhamawui ura̱ chi longkazata kongna.

CHĀNSAM 20:15

Sinā kala makhavāta aman kasaka ngalungla lei; kha theithangkhameiwui morchai aman kasaka chāra̱-chāsānna.

EPHESIANAO 4:29

Ramkai tui mamatuialu, kha kānnakapai reisangkapai tui matuida kashābingwui vang phākhavai sālu.