AMOS 2:4 - Kathara Bible (BSI)

⁴ Prohona hithāda hānga: “Judahwui chonkhamakān kathumwui vang, kala matiwui vang, shongrān chi ina mayangmimara; khikhalajila athumna Prohowui ain chi makhuisangmana, kala awui shiyan mamayonmana; kha avāva̱ ngarāna kazat athishurda athumwui kakapikna ma̱thuingasakhaira.

AMOS 2:4 Iomraidhean Croise

2 WUNGNAOBING 17:19

Judahnala athumwui Proho Varewui shiyan chikan mamayonmana, kha Israelna sākachithei ngashan chili zathaowa.

2 THOTRINCHĀN 25:14

Edomnaoli sākathatwui eina hankhaung thili Amaziahna Seirnaobingwui varebing khuiungda awui vare ngasāda chili khoruma, kala kachigatla chigata.

2 THOTRINCHĀN 30:7

Navā ngarā, nachinā ngarāna Proho Vareli mashitkasangwui vang mutmi kahai nathumna theihaira, athumwui thāda masaalu.

NEHEMIAH 1:7

Nali ithumna maphālakla sāhaira, kala narao Mosesli kaso kahai nawui ningkhami, ain kala shiyan-chikan mamayonthuwa.

NEHEMIAH 9:26

“Chithālala athumna kahāng manganāmada nali ngakaishilaga nawui ain nothahaowa kala nali hanung khavai hāngkhamathin nawui marānbinglila shaothata, kala kachipat ot kachungkha sai.”

ISAIAH 28:15

Kaja nathumna hithāda hānghaira; Ithumna katheli tuingashit sāhaira, kazeiramli mayākhangarok leihaira; hāngkhavai makhalei rekakharek rālala ithumli marāza̱mara. Kaja kakapikli ithum ngayin khavai sai. Kala mikhanamli, ithumna ngasāmkhuihaira.

ISAIAH 44:20

Ana hotla zai, kakapik ningna ali thannguithuihaira, kala akhalatta kahuila mahuirar lah “Iwui yāpāngli kakapik maleimala?” da kahāngla mahāngrarmana.

JEREMIAH 16:11

chitharan nana athumli hithāda ngahānkāra: Prohona hānga, ‘Khikhalajila nashāvā ngarāna ili horhaida vare khangateibingwui thi shurthuihaowa kala otram ngatha̱da athumli khoruma, kala ili horchaohaida iwui ainla mamayonmana,

JEREMIAH 16:12

kala nashāvā ngarāli nathumpāna zakshimeida sākahaiwui vang, kaja yanglu, nathum kachichāwui makaphā kaphaning chili shurthuihaida ili manganāsangthuwa.

JEREMIAH 17:27

Kha nathumna sabbath tharda mayon khavai iwui tui manganaakha, kala Jerusalemwui ngaveili sabbaththang ot kharit phungzangakha, ina ngaveili mei thotlaga Jerusalemwui konung saikora chuitā ngasakra kala sāshimitlala makhuimara.’”

JEREMIAH 6:19

Nganālu, O okathui; yanglu, mibing hiwuitungli ina makaphā khuirāra, athumna makaphā khangarān athei, khikhalajila athumna iwui tui makhuimana; kala iwui ain athumna khalanhaira.

JEREMIAH 8:2

kala athumna leishida otram khangatha̱, athishurda khorumkasā zimik, kachāng, kala kazingramli khalei saikorawui mangāli phayaira; athumli makazipkhuiluimara, kaphumla maphumluimara; kha leimaiwui paih thāhaora.

JEREMIAH 8:9

Thangkhamabingli maishi ngasakra, athum ngacheehaora kala tukkhuihaora; yanglu, Prohowui tui chi athumna khalanhaira, athumwuili thangmei khi leikhala?

JEREMIAH 9:14

kha ashāvā ngarāna tamchithei kahai thāda khalattawui kaphaning sātingtingda Baalwui thi shurthuihaowa.

EZEKIEL 13:22

“Khikhalajila ina ali ning masuitā ngasaklala, nana khangarongbingli ning suitā ngasakta kala makhayā mili athumwui makhayā apong eina ngareiungda athumwui manglā mangatangkhui khavai kakatomwui vang,

EZEKIEL 20:13

Kha lamhāngli leilakha Israelshi shimkhurna ili ngakaishi; athumna iwui shiyan-chikan mamayonmana kha athumna chi khamayon eina mibingna ringra kaji iwui shiyan-chikan khalanhaowa; kala iwui sabbathbing athumna hakmahālak eina sāmakhaohaowa.

EZEKIEL 20:16

kaja athumna iwui shiyan-chikan khalanhaowa, kala iwui ain mamayonmana; kaja athumwui ningna meoma̱li phaninghaida iwui sabbathla makhao ngasakhaowa.

EZEKIEL 20:18

Kala anaomayarali ina lamhāngli leilakha, navā ngarāwui ain mashuralu, kala shiyanbing mamayonalu, lah nathum khalatta athumwui meoma̱ eina masākhamāngalu da hānga.

EZEKIEL 20:24

kha athumna iwui shiyanbing mamayonla, kala iwui ain khalanhailaga iwui sabbathla makhao ngasaka, kala avāva̱ ngarāwui meoma̱li shitsanga.

EZEKIEL 20:30

Chiwui vang Israel shimkhurli hānglu, Proho VAREna hānga: Navā ngarāwui sākakhamāng thāda sachingralā kala yangkakharing otsak chili shurchingrala?

EZEKIEL 22:28

Kala pāngmonbingna ayarli shunu kachar teikhaningda mang machutkhaninga kala khanong sākhaninglaga Prohona makahahāngla, ‘Proho VAREna kahāngna’ da kakapik tui matui.

EZEKIEL 22:8

Iwui kathara otli nana yangkharinghaira, kala iwui sabbathla makhao ngasakhaira.

HOSEA 12:2

Prohona Judahwuitungli kaphen lei, kala Jacobli awui kasā athishurda tandi mira, kala ali sākahai athishurda athut khuira.

HOSEA 12:3

Naopamli leilakha ana amali pheimacha̱ yonkhui, kala mi kāshung kahai eina Vareli ngatuka.

HOSEA 6:11

Nawui vangla, O Judah, hātkakhui atam akha ngarānhaira. Ina iwui yurbingwui lan hankhami tharan.

AMOS 1:3

Prohona hithāda hānga: “Damascuswui chonkhamakān kathumwui vang, kala matiwui vang, shongrān chi ina mayangmimara; khikhalajila athumna Gileadli mariwui yairong eina ngaphitkazama.

AMOS 3:2

“Okathuiwui shimkhur saikorawui eina ina nashi shimkhurmāngli thei; chieina nathumwui khayonkhamāngwui vang ina nathumli tandi mira.

MICAH 6:12

Nawui kashanga mibing khangashaona pemtinghai; nawui ramli kapambing kakapik tuimang matui, kala athumwui male kakapikana.

HABAKKUK 2:18

Kasemana sākakhuia, mariwui kakapika meoma̱ chi khi kannākhala? Kaja themkathema ana sākakhui khak makashoka awui pāngotli chihāna.

ROMNAO 1:25

Athumna Varewui pongli khamashung chi kakapik sāngasakhaowa kala katang makhavai, sokhame Kasā Akhavā chili makhorumla ana sākakhuiya otbingli khorumthuihaowa, kala otram ngatha̱thuihaowa! Amen.

1 THESSALONICANAO 4:8

Chiwui vang eina tui hili mahengkasangapā china mikumoli maningla kha nathumli Manglā Kathara sangkhame Vare chili mahengkasangna.

1 PETER 1:18

Nathumli navā ngarāwui eina shākhuikhamaron khikha masākhavai mirinwui eina ngatangkakhui chi shimānkapai sinā lupā eina maningmana kaji nathumna thei,

WUNGVA̱-WUNGVĀ 10:6

Kala Israelwui mibingna Prohowui mangāli makhayā otmāng saluishitta Baal eina Ashtaroth, Syria, Sidon, Moab, Ammon, kala Philistinewui varebingli otram ngatha̱thuihaida Proholi horhaowa, ali otram mangatha̱thuwa.