AMOS 2:1 - Kathara Bible (BSI)

¹ Prohona hānga: “Moabwui chonkhamakān kathumwui vang, kala matiwui vang, shongrān chi ina mayangmimara; khikhalajila Edom awungawui ara̱-arā ana hotla thāda chuitā ngasaka.

AMOS 2:1 Iomraidhean Croise

2 WUNGNAOBING 3:9

Chiwui thili Israelwui awungana Judahwui awunga eina Edomwui awungali ngasoda vai. Athumna zimiksho shinithang kuizat kahai tharan, shurkazata raimibingwui vangla, sha̱keibingwui vangla tara̱ masamphangthuwa.

CHĀNSAM 15:3

Prohowui mik apam kachiva̱li lei, kaphālila kashelila ana mayonserda lei.

ISAIAH 11:14

Kha anina zingtunshong Philistinenaobingwui yārtui tungli yongrorra; kala anina ngarumda zingshoshongwui mibingli ngaponra. Anina Edom eina Moabli makhamayā pāng parra; kala Ammonnaobingna aniwui kahāng nganāra.

ISAIAH 16:6

Moabwui lāngkaso ithumna shāhaira, kayākha langsosākhala; awui ngamkacho, lāngkaso, kala awui maikhareo aremawui langsotsera.

ISAIAH 25:10

Kaja Prohowui pāngna kaphung hili ngasāmra, kala khorchopli lanji naikakazam thāda Moabli naikazamra.

JEREMIAH 25:21

Edom, Moab kala Ammonwui naomayarabing;

AMOS 1:11

Prohona hithāda hānga: “Edomwui chonkhamakān kathumwui vang, kala matiwui vang, shongrān chi ina mayangmimara. khikhalajila lukhamashan katāva̱li horhaida, raighai singda achināli kharomzata; kala awui malungkhavāt mamalailakmana, kala awui khonkashi katang mavaimana.

AMOS 1:13

Prohona hithāda hānga: “Ammonnaowui chonkhamakān kathumwui vang, kala matiwui vang, shongrān chi ina mayangmimara, khikhalajila athumwui lam haksang khavai Gileadli naokhavai sha̱naobingli wuk rāmkhaimi.

AMOS 1:3

Prohona hithāda hānga: “Damascuswui chonkhamakān kathumwui vang, kala matiwui vang, shongrān chi ina mayangmimara; khikhalajila athumna Gileadli mariwui yairong eina ngaphitkazama.

AMOS 1:6

Prohona hithāda hānga: “Gazawui chonkhamakān kathumwui vang, kala matiwui vang, shongrān chi ina mayangmimara; khikhalajila athumna Edomli mikhavai mi katonga raikathāli khuithuihaowa.

AMOS 1:9

Prohona hithāda hānga; “Tyrewui chonkhamakān kathumwui vang, kala matiwui vang, shongrān chi ina mayangmimara; khikhalajila athumna mi katonga Edomli horsangmihaowa, kala chinaongarāwui ngashit kahai athumna maphaningungthuwa.

AMOS 2:4

Prohona hithāda hānga: “Judahwui chonkhamakān kathumwui vang, kala matiwui vang, shongrān chi ina mayangmimara; khikhalajila athumna Prohowui ain chi makhuisangmana, kala awui shiyan mamayonmana; kha avāva̱ ngarāna kazat athishurda athumwui kakapikna ma̱thuingasakhaira.

AMOS 2:6

Prohona hithāda hānga: “Israelwui chonkhamakān kathumwui vang, kala matiwui vang, shongrān chi ina mayangmimara; khikhalajila khangarongbingli athumna lupāsā eina yorzai, kala khavātabingli pheihop eina ngatha̱vaiya—

MICAH 6:5

O iwui mibing, Moabwui awunga Balakna khiwor sākhala kaji; kala Beorwui naomayara Balaamna ali khi ngahānkā; kala Shittimwui eina Gilgal khavāli khi shokkhala kaji phaningunglu; chieina nathumna Prohowui huikhami otsak chi theipaira.”