2 WUNGNAOBING 5:16 - Kathara Bible (BSI)

¹⁶ Kha ana hānga, “Ina otram ngatha̱khami Prohowui ming singda kahāngna, ina khikhala makhuimara.” Khuikhavai panglāk eina hānga, kha ana mamayāthuwa.

2 WUNGNAOBING 5:16 Iomraidhean Croise

1 WUNGNAOBING 13:8

Varewui mi china awungali hānga, “Nawui shimlui tangkhai miga jilala maungmara. Apam hili ina zātla mazāmara, tara̱la mamangmara;

1 WUNGNAOBING 17:1

Chitharan Gileadli khalei Tishbewui Elijahna Ahabli hānga, “Makashimāna Israelwui Proho Varewui mangāli ina nganingda kahāngna kaja, iwui kakaso maningla atam kasāngkha kazingla maromara, ikra̱la matāmara.”

1 WUNGNAOBING 18:15

Elijahna hānga, “Ashangva̱wui Prohona theira, awui mangāli ina kahāngna kaja, makahatlakla aja ina ali chitheira.”

2 WUNGNAOBING 3:14

Elishana hānga, “Ina otram ngatha̱khami, saikorawui Prohona thei kaja Judahwui awunga Jehoshaphatli ina khayākashi maleisāsi kaja, nalila ina matheimimara, khayangla mayangkāmara.

2 WUNGNAOBING 5:20

Varewui mi Elishawui rao Gehazina hānga, “Yanglu, Syriawui Naamanna khuikharā ot iwui akhavāna akhala makhuila chihomihaira. Prohowui ming singda kahāngna ina kharomvālaga awui eina ngayarda akhuira.”

2 WUNGNAOBING 5:26

Kha ana hānga, “Mi china siguitungwui eina tunglaga nali rākhangarok atamli I manglā eina nali mangasosāmala? Pheisā kashankachon, olive eina drakhā yāmgui, yao eina sei, raomayarnao eina sha̱nao, khuikapai atamla?

DANIEL 5:17

Chieina Danielna awungawui mangāli ngahānkai, “Nawui lemmet na khalattawui vang ngasāranu, kala nawui sāman khangateiwui sāhaoranu; chithālala rākapi kahai chi ina pāmira, kala chiwui kakhalat awungali chitheimira.

MATTHEW 10:8

Kakazābingli raimilu, kathebingli ringngasaklu, phārrei kakazābingli tharmilu, kameobing kashamshokmilu. Nathumna aman mamila samkaphangna, chithada aman makhuila milu.

1 CORINTHNAO 6:12

Kaikhana hānga, “Iwui vanga ot saikora sāpaisera,” kha saikora kannāser kaji maningmana, “Iwui vanga ot saikora sāpaisera” kha khi otnakhala ili mayui ngasakmara.

2 CORINTHNAO 12:14

Ina nathumli rākida hotkhanā hina kakathumana. Rālala nathumli makhanang ngasakmara; kaja nathumwui ot ningkachāng maningmana kha nathumli ningkachāngna. Naongarāna ava̱ avāwui vang ngarānsangki kaji maningmana, kha ava̱ avāna naongarāwui vang ngarānmiki kajina.