2 WUNGNAOBING 2:3 - Kathara Bible (BSI)

³ Bethelli khalei marānbingwui naomayarabingna Elishali rāsamphangda hānga, “Nawui akhavāli aja Prohona khuithuihaora kaji na theila?” “Mha, thei; kasaikha pamlu.” da ngahānkai.

2 WUNGNAOBING 2:3 Iomraidhean Croise

1 WUNGNAOBING 18:4

Jezebelna Prohowui marānbingli shaokathat tharan Obadiahna marān shākhali, hangphangāngā eina lungkhurli thumhaida kashakazā mizā mimanga).

1 WUNGNAOBING 20:35

Prohona kakaso athishurda marānwui naomayarabingwui eina akhana akhali Prohowui kakaso athishurda “Ili shaolu.” da poi. Kha mipa china shaokhavai mamayāthuwa.

2 WUNGNAOBING 2:15

Chitharan Jericholi khalei marānbingwui naomayarabingna ali khalāda kathei eina hānga, “Elijahwui manglā Elishali zanghaira.” Kala athumna ali angaroklaga awui mangāli ngakhumsanga.

2 WUNGNAOBING 2:5

Jericholi khalei marānbingwui naomayarabingna Elishawui ngalemli vāda hānga, “Nawui akhavāli aja Prohona khuithuihaora kaji na theila?” Ana, “Mha, thei; kasaikha pamlu.” da ngahānkai.

2 WUNGNAOBING 2:7

Marānbingwui naomayarabing hangphangāla anili ngasovai kala anina Jordan pheili khanganing eina, athum katāmeihamsamda anganinga.

2 WUNGNAOBING 4:1

Chitharan marānbingwui naomayara akhawui preiva̱na Elishali vaoda hānga, “Narao igahara thihaowa; narao Proholi ngacheelaka, kha lupā kachishutana inaomayara khanili awui rao sākhavai khuira jihaowa.”

2 WUNGNAOBING 4:38

Zāt kasak kashok atam tharan Elishana Gilgalli vālui. Marānbingwui naomayarabingna awui ngalemli pamda leilakha awui raoli, “Ham kahaka chi phumkālaga marānbingwui vang han hangmilu.” da hānga.

2 WUNGNAOBING 5:22

Ana ngahānkai, “Khikha maleimana,” iwui akhavāna nali, “Ephraim kaphungramwui eina marānwui naomayara khani iwuili aruicham rāda lei; nali kapona aniwui vang lupāsa thing kathum kala phanit kachon khani mikhavai ahānglu da chiwui vang ili kachihona.”

2 WUNGNAOBING 6:1

Marānbingwui naomayarabingna Elishali hānga, “Yanglu, nawui azingli ot sāda khalei apam hi masha̱nāhaira.

2 WUNGNAOBING 9:1

Chiwui thili Elishana marānwui nao akhali hokhuida hānga, “Shānneira̱ neilaga thaokhong hi khuiphungda Ramoth-gileadli vālu.

ISAIAH 8:18

Yanglu, ila kala Prohona mikahaiya naongarābing hila, Zion kaphungli pamda khalei saikorawui Prohowui eina khami hi Israelli kachithei kala khamachutbingna.

AMOS 7:14

Chieina Amosna Amaziahli ngahānkai, “I marān maningmana, marānwui naomayarala maningmana; kha iva yaokahoma akhana kala sycamore thing khayoka mi akhana,

OTSAK 22:3

“Iva Cilicia ngaleili khalei Tarsusli kapharā Jihudi akhana, kha Jerusalemli Gameli-elwui katamnao akha sāda rarkai, ithumwui avā ngarabingwui khangazip ainwui lungli tamkakhui samphanga kala aja hili khalei nathum thada ila Vareli chigatchao kahai mina.

KHALATLUI 33:3

Mha, awui mili ana leishi; ali tharchigat kahaibing awui pāngli lei; chieina athumna nawui pheikār chi shura, nawui chiza̱khami athishurda,

1 SAMUEL 10:5

Chiwui thili nana Gibeath-elohimli, Philistine raimi khalei pamli ungshungra; kala nana chiwui keinung chili ungkazang eina marān kachungkha kajuipamwui eina harp, tambourine, sipa, lyre singda shokki kaji tui hāngmikasā vātheira.

1 SAMUEL 19:20

Chieina Saulna Davidli akhui khavai paomebing chihovai; kala marānbingli Samuelna thānda marān kasā chi athumna athei, kala paomebing chilila Varewui manglā zanghaida athumla marānphokuwa.