2 WUNGNAOBING 1:3 - Kathara Bible (BSI)

³ Kha Prohowui kazingraona Tishbewui Elijahli hānga, “Ngakarthuida Samariawui awungawui paome chili ahānglu, ‘Israelli Vare maleithuda Ekronwui vare Baal-zebubli angahānki kajila?’

2 WUNGNAOBING 1:3 Iomraidhean Croise

1 WUNGNAOBING 11:33

khikhalajila ana ili horhaida, Sidonwui varebing Ashtorethli, Moabwui vare Chemoshli, kala Ammonwui kameo Milcomli khorumhaowa, kala iwui kahāng manganāmana; kala avāva̱ Davidna kasā thāda iwui shiyan-chikan kala ain mamayonla, iwui mikyanli khamashung chi masāmana kala iwui ningkhami mamayonmana.

1 WUNGNAOBING 17:1

Chitharan Gileadli khalei Tishbewui Elijahna Ahabli hānga, “Makashimāna Israelwui Proho Varewui mangāli ina nganingda kahāngna kaja, iwui kakaso maningla atam kasāngkha kazingla maromara, ikra̱la matāmara.”

1 WUNGNAOBING 18:1

Atam kasāngkha shānglaga, Prohowui tui china Elijahli rāhānga, “Ahabli asamphanglu, ina okathuili kazing rotā ngasakra.”

1 WUNGNAOBING 18:36

Ngazin pha̱kaphayā atam ungkashung eina marān Elijahna hanphut ngalemli vanganingda hānga, “O Proho, Abraham, Isaac, kala Israelwui Vare, aja na Israelwui Varena kaji, kala I nawui raona kaji, kala ina kasāsā hi nawui tuina kaji aja zimik theikhuiranu.

1 WUNGNAOBING 19:5

Kala ana thingpompa̱ akhawui azingli ngayaisangda pikhavā eina, yanglu, kazingrao akhana ali sāza̱da hānga, “Thuiphazālu.”

1 WUNGNAOBING 19:7

Prohowui kazingrao china kakhane rāluishitta ali sāza̱da hānga, “Thuiphazālu, shongfa hirankha mazatthukpaishina.”

1 WUNGNAOBING 21:17

Chiwui thili Tishbewui Elijahli Prohowui tui china rāhānga,

2 WUNGNAOBING 1:2

Chitharan Samariali Ahaziahna awui mathāng atowui eina saotāda kazāhaowa; chiwui vang paome chihovāda hānga, “Vālu, kakazā hiwui eina I marainikhala Ekronwui vare Baal-zebubli angahānlu.”

2 WUNGNAOBING 1:6

Athumna ali hānga, “Mi akha ithumli rāngarokta ana hānga, ‘Nathumli chihokharā awunga chili latungda hānglu; kaja Prohona kahāngna, Israelli Vare maleithuda Ekronwui vare Baal-zebubli angahānki kajila? Chiwui vang eina nana pikhavai pet chiwui eina mangakarthuiluimara; kha na thiphalunghaora.’ da hānga.”

2 WUNGNAOBING 1:8

Athumna ngahānkai, “Sahā kachon ngavai, sāhui shānneira̱ neiya.” Ana hānga, “Hi Tishbewui Elijahna.”

2 WUNGNAOBING 5:15

Chiwui thili ala, ali khangasobingla, Varewui mi chili latungda awui mangāli nganingda hānga, “Israelli maningla okathuili Vare khangatei maleimana da ina theihaira; chieina ara narao iwui khami hi kakhuimilu.”

2 WUNGNAOBING 5:8

Kha Israelwui awungana kachon serkhāka da kashā tharan, Varewui mi Elishana mi chihovāda awungali ahāng ngasaka, “Nana khisāda kachon serkakhakkhala? Ali iwuili chihorālu, kala Israelli marān akha lei kaji theikhuiranu.”

LAA 76:1

Judahwui eina Vareli theisera; Israelli aming haklaka.

ISAIAH 8:19

Kala athumna, “Kapumkakaseowa kazei kazangbingli kala khanongbingli ngasanlu” jiakha, miyur akhana athumwui Vareli mangasan ngayimala? Kharingbingli maningla kathebingli ngasanrala?

JONAH 2:8

Makānkhanā meoma̱li khayākashibingna athumli machihānluimana.

MARK 3:22

Jerusalemwui eina katā ain kathemabingna “Ali Beelzebulna ngasoda lei, kala kameo wungnaowui pangshap eina ana kameobingli kashamkashokna” da hānga.

OTSAK 8:26

Prohowui kazingrao akhana Philipli hānga, “Ngakarthuida Jerusalemwui eina Gazali tākhavai azingshongwui shongfa chili tāulu.” Hi siwuk shongfana.

1 SAMUEL 17:46

Prohona aja nali iwui pāngli horsangmida ina nali ngaphitsangra, kala nakui rangra; kala aja Philistinewui raimi ashangva̱wui angun yongkazata vānao kala ramsāli chishaida, Israellungli Vare lei kaji okathuili khalei saikorana theira,