2 THOTRINCHĀN 7:3 - Kathara Bible (BSI)

³ Israelnaobing saikorana mei chi kala Prohowui tekhamatei chi shimtungli katā chi kathei tharan, athumna ngaleili ngakhumshāmzangda Proholi khorumda ningkashi milaga hānga, “Kaja a phālaka, kaja awui makhangachei leikashi leichinga.”

2 THOTRINCHĀN 7:3 Iomraidhean Croise

2 THOTRINCHĀN 5:13

Proholi ningkashi eina ngasoda kala khokkha sāda masotkhami chi talla̱ kakhong kala laa kasābing athumwui otna), kala Proholi masot mida talla̱la kala khangatatei laawui akap-akai zangda, “Kaja a phālaka, kaja awui leikashi mangacheila leichinga,” da laa chi juikakā chitharan, Prohowui shim chi muiyāna pemhaowa,

2 THOTRINCHĀN 20:21

Mibingli ana hāngchithei kahai thili, kathar sāri ngavaida laasak eina Proholi masot mikhavai ana mi phāsanglaga athumna raimi mangāli zatmamānda hānga. “Proholi ningkashi milu! kaja awui makhangachei leikashi katang mavaimana!”

LUKE 1:50

Ali khangacheebingwuitungli awui lukhamashan thot-thot kachida lei.

ISAIAH 63:7

Prohowui makhangachei leikashi chi ina phaningchingra, ithumli Prohona khami saikora chiwui athishurda Proholi masot michingra, kala awui lukhamashan athishurda Israel shimkhurli, kaphā hakkhamahā mikahai chi, awui makhangachei leikashiwui makhavāt athishurda khamina.

EZRA 3:11

kala athumna Proholi ningkashi khami eina laasak ngasha̱da ngatakta masot chikata, “Khikhalajila a kaphāna, kaja awui makhangachei leikashi Israelli mahorhailakmana.” Kala athumna Proholi masotkhami tharan mi saikorana panglāk eina vaoshoka, khikhalajila athumna Proho shimwui shimphunga sākuphaowa.

SHONGZĀ 4:31

Mibingna shitsanghaowa; kala Prohona Israelnaobingwui kachotkachāng theimihaira kaji shālaga athumna mashunzanga kala khoruma.

JEREMIAH 33:11

ringkaphākhon, khamathānkhon, shakazā mayara kala ngalāva̱, laa kasābingwui khon, Prohowui shimli ningkashi rākachigatwui laa kasākhon shāluira: ‘Ashangva̱wui Proholi ningshilu, kaja ava kaphā Prohona. Kaja awui makhangachei leikashi katang mavaimana!’ Kaja kharewui tākam eina ina ngalei chiwui shimlui hanmiluira.”

LAA 103:17

Kha Prohowui makhangachei leikashi, katang makhavaiwui eina katang makhavai chi ali khangacheebingwuitungli lei, kala awui khamashung khangarong chi naongarābingwui naongarātungli lei;

LAA 95:6

O ralu, ithum ali ngakhumshamhaida khorumsa, ithumli kasā Prohowui mangāli khuktisa!

1 THOTRINCHĀN 29:20

Chiwui thili Davidna saikora kazip chili hānga, “Nathumwui Proho Vareli solu.” Chieina athumna Proho Vareli masot chigatta khoruma kala awungalila khayākashi mi.

1 THOTRINCHĀN 16:41

Athumli ngasoda Heman eina Jeduthunla Prohowui makhangachei leikashi chiwui vang ali ningkashi mikhavai mingsinda hokakhui athum zangsera.

1 WUNGNAOBING 18:39

Chi theilaga mibingna ngakhumshāmhaida “Proho a hi Varelaka; Proho a hi Varelaka” da hānga.

MISHĀN 16:22

Anina mai mashunzangda hānga, “O Vare, manglākapai saikorawui Vare, mi akhana morei kasāwui vang yarui ashangva̱li malungvātrala?”

MISHĀN 14:5

Chiwui thili Moses eina Aaronna Israel katongawui mangāli mai mashunzanga,

PĀNGMONSHI 9:24

Kala Prohowui eina mei tāda rikkatā kachigat kala athao chi hanphuttungli chuitamihaowa; chi mibing saikorana kathei eina vaoda athumwui kui mashunzanga.

1 THOTRINCHĀN 16:34

Proholi ningkashi milu, kaja a kaphāna; kaja awui makhangachei leikashi katang mavaimana!

LAA 100:5

Kaja Proho hi kaphaana; awui makhangachei leikashi chichinga, kala awui ningkatong chi thot kachida mangacheimana.

LAA 106:1

Proholi solu! O Proholi ningkashi milu, kaja a phālaka; awui makhangachei leikashi leichinga.

LAA 107:1

O Proholi ningkashi milu, kaja a phālaka; kaja awui makhangachei leikashi chichinga!

LAA 118:1

Proholi ningshilu, kaja a phālaka; awui makhangachei leikashi katang mavaimana!

2 THOTRINCHĀN 20:18

Chieina Jehoshaphatna amai ngaleili mashunzanga, kala Judah eina Jerusalemwui mibingla Prohowui mangāli mashunzangda Proholi khoruma.

2 THOTRINCHĀN 29:28

Rakakazip katongana khokharum tharan laa kasābingna laa sai, talla̱ kakhongbingna talla̱ khonga; rikkatā chigat makupranglakha eina tangda chithāda sai.

2 THOTRINCHĀN 29:29

Kachigat ot kupkahai eina awungala, leikasā mi saikorala ngakhumshāmhaida khorumsera.

2 THOTRINCHĀN 29:30

Awunga Hezekiah eina wungnaobingna, Levinaobingli David eina marān Asaphwui laa chieina ngasoda Proholi masotlaa sākhavai kasoi. Athumna masotlaa mathānthup eina sāda khokharumla khoruma.