2 THOTRINCHĀN 21:7 - Kathara Bible (BSI)

⁷ Kha Davidli kala awui naomayarabingli kahor akha mirada Davidli ngashit kahaiwui vang Prohona ashi shimkhurli mashimitmimana.

2 THOTRINCHĀN 21:7 Iomraidhean Croise

2 SAMUEL 21:17

Kha Zeruiahwui nao Abishaina rāfahaida Philistinepa chili sāthathaowa. Chiwui thile Davidwui mibingna, “Na rai khangarar mavāluilakalu, chi maningakha Israelwui kahor shimānhaora” da hānghaowa.

2 SAMUEL 23:5

Mha, chi tākam eina iwui shim Vareli masākāmala? Kaja ana katang makhavai tuingashit ili sāhaira, saikora tāzak kala tāphuphai. Reisang khavai ana ili mangachonmimarala?

1 WUNGNAOBING 11:13

Chithālala ina wungram saikora mangakaishokmara, kha iwui rao Davidwui vang kala ina kapangkhui kahai Jerusalemwui vang shang akha nanaoli mira.”

1 WUNGNAOBING 11:36

Chithālala awui naoli shang akha mira, kaja iwui ming leiching khavai ina kapangkhui kahai Jerusalemwui keinungli Davidwui thaomei akha sharhaiching khavaina.

1 WUNGNAOBING 15:4

Chithālala, Davidwui vang awui Proho Varena Jerusalemli thaomei akha haimi, kaja anaomayarali awui mahutli chipamda Jerusalem sakā ngasaka.

2 WUNGNAOBING 8:19

Chithālala, awui rao Davidwui mangā eina Judah shimānchao khavai masāmana, kaja a eina awui naomayarabingli thaomei akha katang mavaila mira da ngashithaisai.

2 WUNGNAOBING 8:24

Joram thihaida avāva̱ ngarāli ngasoda Davidwui keinungli chifahaowa; kala anaomayara Ahaziahna awui mahut thuishina.

2 THOTRINCHĀN 22:11

Kha awungawui naongalāva̱ Jeho-shabe-athna Ahaziahwui naomayara Joashli sāthathaoki kaji awungawui naomayarabingwui eina ngathumda khuilaga ali khayangva̱li ngasoda petkā akhali thumhaowa. Hithāda sāda awunga Jehoramwui naongalāva̱, pāngmon Jehoiadawui preiva̱, kaja Jeho-shabe-athna Ahaziahwui azarva̱na, ana awui naoli thumhaida chiwui vang Athaliahna masāthatthuwa;

2 THOTRINCHĀN 23:3

Kala kazip kahai saikorana awungali ngasoda Khorumshimli tuingashit akha sai. Kala Jehoiadana hānga, “Yanglu, awungawui naomayara! Prohona Davidwui naongarāwui pongli hāngkahai thāda ana mungranu.

2 THOTRINCHĀN 6:16

Chiwui vang eina O Proho, Israelwui Vare, narao ishāvā Davidli nana, nanao ngarāna ningngasharda, nana iwui kahāng khanganā thāda zatakha, Israelwui wungpamkhongli kapama, nawui mahut kashina mavātlakmara, da hāngkahai chi phaningungmichinglu.

LAA 132:11

Prohona Davidli kachangkhat ngashita, chiwui eina ana masa̱na̱ungmara: “Nanao akhali ina nawui wungpamli chipamra.

LAA 89:39

Naraoli tuingashit kasā chi nana makhuimithura; nana awui wungkuihon chifali sākhamāng ngasaka.

LUKE 1:69

Awui rao David shimkhurwui eina ana ithumwui vang pangshap khaleia Huikhame akha shokngasakhaira;

LUKE 1:79

tangkhamang kala kathi khaya̱lungli kapambingli kahor mira, kala chingri kahai pongli zatkhavai thānmira.”