2 THOTRINCHĀN 1:4 - Kathara Bible (BSI)

⁴ (Kha Prohowui oko chiya Davidna Jerusalemli kachonshim khankahai chili haihai khavai Kirith-jearimwui eina akhuihairasai).

2 THOTRINCHĀN 1:4 Iomraidhean Croise

2 SAMUEL 6:17

Kala Davidna sākahai kachonshim alungwui apam ngarān kahai chili athumna Prohowui ningkhami oko chi zangrunghaowa; kala Davidna rikkatā kachigat kala ningyatchigat sāda Proholi chigata.

2 SAMUEL 6:2

Kala Cherubimtungli chipam kahai saikorawui Proho Varewui ningkhami oko Baale-judahwui eina khuikā khavai ali khangaso saikorali Davidna thānvai.

1 THOTRINCHĀN 15:1

Davidna awui vang David keinungli shim sākhui; kala Varewui ningkhami oko haikhavai kachonshim akha sākhui.

1 THOTRINCHĀN 15:12

athumli hānga, “Nathum hi Levi shangwui avāva̱ ngarā shimkhurwui kathānasera, nathumla, nachinā ngarāla tharmathengserlaga Israelwui Proho Varewui ningkhami oko akhuida ina ngarān kahai shim chili unghailu.

1 THOTRINCHĀN 15:3

Kala Prohowui ningkhami oko chi ana ngarān kahai apam chili unghai khavai Israel saikora Jerusalemli kazip ngasaksera.

1 THOTRINCHĀN 16:1

Davidna ngarān kahai kachonshimlungli athumna Varewui ningkhami oko chi zanghaihaowa; kala rikkatāchigat eina ningyatchigatla Vareli pha̱phayai.

2 THOTRINCHĀN 5:2

Chiwui thili Solomonna Israelwui ararbing, shang-shangwui wungva̱bing, kala Israel yurwui avāva̱ ngarā shimkhurwui khararabing saikorali Jerusalemli kazipkhuilaga, Davidwui keinung Zionwui eina Prohowui tuingashitwui oko chi akhui khavai ngarāna.

2 THOTRINCHĀN 6:2

mashimānda pamkhavai ina nawui vang tekhamatei shim akha sākāhaira.”

JOSHUA 9:17

Kala Israelwui mibingna zatphokta athumwui keinungli kakathumathang vāzanga. Athumwui keinungbing chiya Gibeon, Chephirah, Be-eroth, Kiriath-jearim hibingna.