2 THOTRINCHĀN 1:10 - Kathara Bible (BSI)

¹⁰ Mibing hiwui mangāli khangashok khangakhang theishapa ili thangkhamei kala kathem milu, kaja hiyākha hakkhamahā nawui mibingli khipāna mungrarrakhala?”

2 THOTRINCHĀN 1:10 Iomraidhean Croise

2 SAMUEL 5:2

Khare kachāng Saulna ithumli munglakha Israelli thānshokkhame chi nana; kala Prohona nali, ‘Iwui Israel mibingwui yao kahoma sāra, kala athumwuitungli nana wungnao sāra’ da hānghaira.”

1 WUNGNAOBING 3:9

Chiwui vang eina nawui mibingli nganaothei khavai narao ili thangkhamei ning sangmilu, chieina ina kashi-kaphā theikhuipaira; kaja aja nawui miyur hiyakhali khipāna nganaorarrakhala?”

1 THOTRINCHĀN 22:12

Israelwuitungli mung khangasak tharan Prohowui ningkhami mayonshap khavai, mashun-makhui kala theishingkakhui ning Prohona nali ngarumsangmiranu.

LAA 119:34

Theishingkakhui chi ili milu, chieina ina nawui ningkhami mayonra, kala ining tongda mayonra.

LAA 119:73

Napāng eina ili sākhuida semihaira, nawui ningkhami chi tamkhui khavai theishingkakhui ning ili milu.

CHĀNSAM 4:7

Thangkhamei haophok khavai chi hina: Thangkhamei phākhuilu, kala samkaphaphang chili, ningli shāphailu.

CHĀNSAM 8:15

Iwui mangā eina awungabingna munga, ngalei khangākabingna tāzak tārak kahai mashun mi;

MISHĀN 27:17

ana athumwui mangāli rizatra, athumli thanshokmira kala thānzangmira; chithāda sāda Prohowui ashangva̱ yaokahoma makhalei yaonao thāda mazatmara.”

2 CORINTHNAO 2:16

Shimān kahai athumli ithum hiya kathinganam kathāna, khangateibingwui vang kharingwui anganamna. Chithākha khipāna sararrakhala?

2 CORINTHNAO 3:5

Ithumna ithum khalattawui eina khikhala sākashap maleimana, kha sākashap hi Varewui eina kharāna.

KHALATLUI 31:2

“I aja zingkum shākha maga̱ kāshunghaira; I zatung zatvā masārarthura. Prohona, ‘Na Jordan hi makānmara’ jihaira.

JAMES 1:5

Kha nathumwui ngachaili kachikathā theithangkhamei vatta leiakha, kakharar maleila mingairareo eina mi saikorali khame Vareli seihā sāranu. Chieina ana mira.