2 SAMUEL 9:3 - Kathara Bible (BSI)

³ Kala awungana hānga, “Ina Varewui lukhamashan mikapai Saulshi shimkhurwui mi khipākha maleimala?” Zibana awungali ngahānkāda, “Jonathanwui nao aphei kateka akha lei.”

2 SAMUEL 9:3 Iomraidhean Croise

2 SAMUEL 19:26

Ana ngahānkai, “Ishamei, O awunga, iwui raona ili kapikhaowa: kaja narao sheisha̱haoda, ‘Iwui vang gadhā akha shaksāmilu, chi tonglaga ila awungali ngasothura’ da hānga.

2 SAMUEL 19:27

Ana awungawui mangāli naraoli thikhavai matuihaowa. Chithālala ishāmei awunga, nava Varewui kazingrao kathāna; chiwui vang nawui kapha chi sāmilu.

2 SAMUEL 4:4

Saulwui naomayara Jonathanwui nao aphei sheisha̱laga akha leisai. A kum phangā kahairakasā tamli Jezreelli shokkahai Saul eina Jonathanwui pao kashā chitharan ali kakhuipava̱na phunglaga khayāmli katotnāhaoda kongluida aphei tekhaowa. Kala awui ming Mephibosheth hoi.

2 SAMUEL 9:13

Chithāda Mephiboshethna Jerusalemli pama; kala ana awungali ngasoda phazā ngarumchinga. Ava aphei khanini teka.

2 SAMUEL 9:7

Kala Davidna hānga, “Mangacheelu; navā Jonathanwui mai eina ina nali lumashanmira; nawo Saulwui lam saikora nali hanmira, kala nana iwui tableli phazārumchingra.”

LUKE 6:36

Nathumwui Avāva̱na lumashankathei thada nathumla lumashantheilu.

KHALATLUI 10:15

Chithālala, navā ngarāli Prohona ningli haida leishimihaokada athumli kala athumwui ara̱-azā nathumli kapangkhui, kala ajawui hithāda yur kateiwui alungli leikhangasakna.

KHALATLUI 4:37

Kala navā ngarāli ana leikashiwui vang athumwui thili athumwui ara̱-azāli kapangkhuida, kala a zangchaolaga awui kahaka pangshap eina nathumli Egyptwui eina thānshokmi,