2 SAMUEL 7:9 - Kathara Bible (BSI)

⁹ kala ina nawui kazatpam kachida ngasomi, nawui yangkashibinglila ina yuimi; kala okathuili ngammeikap kajebing thāda ina nawui aming reimeikap ngasakra,

2 SAMUEL 7:9 Iomraidhean Croise

HAOKAPHOK 12:2

Kala ina nali kahaka yur akha sāngasakta nali sokhamila somira, nawui ming reingasakta, somi kahaia mi akha sāngasakra.

2 SAMUEL 22:1

Yangkashibingwui eina kala Saulwui pāngwui eina Prohona kanshokkhamiwui vang, Davidna hithāda laa sai.

2 SAMUEL 22:30

Mha, nawui mangā eina ina raimibingli yuishapa; kala iwui Varewui mangā eina ina raipan yongkānshapa.

2 SAMUEL 22:43

Ina athumli ngaleiwui chifa-chihā thāda ngaphitkachupa; Ina naikachupta shongfa khangapetwui leikhon thāda sāmihai.

2 SAMUEL 23:1

Hi Davidwui khanaowa tuina: Jessewui naomayara David, khangama sāngasak kahaiawui, Jacobwui Varena thao neomi kahaiya, Israelwui laa kathemawui marāntuina:

2 SAMUEL 5:10

Kala Davidna mataisangkhangai mataisanghaowa, kaja saikorawui Proho Varena ali ngasomi.

2 SAMUEL 8:13

Kala Davidna akhalatta mingkhamayāng samphanga. Kala ana latkhaung atamli Machi Tampākli Edomnaobing thingtharāda chishat sāthata.

2 SAMUEL 8:14

Kala Edomli Davidwui raimi chipama, Edomwui apampamli raimi chipamvāserhaida Davidwui rao sāhaowa. Kala Prohona Davidli ana khavā apam kachida yuingasaka.

2 SAMUEL 8:6

Chieina Davidna Damascuswui Aramli raimi chipamhaowa; kala Syrianaobingla Davidwui rao sathuihaida shai chigata. Kala Davidna khavāpam kachida Prohona yuingasaka.

1 THOTRINCHĀN 17:8

nawui kazazatpamli ina ngasomi; kala nawui yangkashebingli nawui eina shimān ngasaka; kala okathuili khangamabingwui ming thāda nalila aming kazat akha sāngasakra.

LAA 21:6

Mha, nana ali mashimānda sokhami mataimeikapta mi, nawui ngasokhamiwui khamathān china, nana ali ringphā ngasaka.

LAA 89:23

Awui yangkasheli ina awui miktāli sākachupra kala ali yangkakharingabingli shaothatra.

LUKE 1:52

Ana Pangshapa khamungabingli wungpamkhong eina khuishoka, kala khangazanbingli khāngkāmi;

JOSHUA 6:27

Hithāda Prohona Joshuali ngasomi; chieina ngalei katongali awui ming zatlakhaowa.

1 SAMUEL 18:14

Kala Prohona ali ngasomihaoda; Davidna awui kasāsāli athei khamathei samphanga.

1 SAMUEL 18:30

Chiwui thili Philistinewui wungnaobingna rai rāsai; kala rākhangarar kachiva̱li, Davidna Saulwui rao saikorali maiyāmeikapa. Chithāda awui ming khayākālakhaowa.

1 SAMUEL 2:8

Ana kachāmali chifawui eina khāngkhui, khavātali hotlāwui eina khāngkhuida, athumli wungnaobingli thuingaren ngasaka, kala maikhayā pam samphang ngasaka. Kaja okathuiwui pakra̱bing Prohowuisera, kala chiwuitungli ana apuk-apagva̱ khaningkai.

1 SAMUEL 31:6

Hithāda Saul, kala awui anaomayara kathum, kala awui chāngvei phungme, kala awui mibing saikora chithang thitkha sāhaowa.

1 SAMUEL 5:10

Chieina athumna Varewui oko chi Ekronli chihovāhaowa. Kha Ekronli khuikhavā tharan chiwui mibingna, “Ithumwui mibingli sāthat khavai Varewui oko chi ithumli khuikharāna.” da mamayāthuwa.