2 SAMUEL 7:8 - Kathara Bible (BSI)

⁸ Chiwui vang iwui rao Davidli ahānglu, ‘Ashangva̱wui Prohona hithāda hānga, nana yaohomda khararli zatkasāwui eina Israelnaoli wungnao sākhavai ina hokhui;

2 SAMUEL 7:8 Iomraidhean Croise

2 SAMUEL 12:7

Nathanna Davidli hānga, “Mi chi nana, Israelwui Proho Varena kahāngna, ‘Israelwui awunga sākhavai ina nali thao neomi, kala Saulwui pāng eina ina nali kankhui;

2 SAMUEL 14:13

Preiva̱ china hānga, “Chithakha, kathāda nana Varewui mibingli mamayāla hikathā ot ngarānkhala? Kaja tuitak hi milaga awungana awui kasham kahai akhali shimli mahounglui kaji hiya, nakhalatta yonkhangasakna.

2 SAMUEL 23:1

Hi Davidwui khanaowa tuina: Jessewui naomayara David, khangama sāngasak kahaiawui, Jacobwui Varena thao neomi kahaiya, Israelwui laa kathemawui marāntuina:

2 SAMUEL 24:17

Chiwui thili kazātkashi rākhangasaka kazingrao chili kathei eina Davidna Proholi hānga, “Yanglu, ina morei sāhaira; kala ina makaphā ot sāhaira, kha yaonaobing hina khi sāhaokhala? Nawui pāng chi ili tāranu, kala ishāvāwui shimkhurli tāranu.”

2 SAMUEL 5:2

Khare kachāng Saulna ithumli munglakha Israelli thānshokkhame chi nana; kala Prohona nali, ‘Iwui Israel mibingwui yao kahoma sāra, kala athumwuitungli nana wungnao sāra’ da hānghaira.”

2 SAMUEL 6:21

Kala Davidna Michalli hānga, “Prohowui mi, Israelwuitungli wungnao sāda ili kapangkasang, navāwuitungli, awui shimkhur saikorawuitungli, ili kapangkakhuia Prohowui mangāli kasāna— kala Prohowui mangāli ina ringphāchingra.

1 WUNGNAOBING 3:6

Solomonna hānga, “Nana narao ishāvā Davidli hakkhamahā kala makhangachei leikashi chitheimihaira, kaja ana nali shitkasang mangacheilakla, khamashung khangarong eina kala ning ngatarda zata; kala nana hakkhamahā kala makhangachei leikashi haimiya, kala nana awui wungpamkhongli aja pamkhavai anaomayara akha mihaira.

1 WUNGNAOBING 8:16

ana hithāda hānghaisai, ‘Egyptwui eina Israel mibingli ina khuishokthangwui eina thuida, shim akha sāda iwui ming leikhavai Israel shang saikorawui alungli keinung akhala kapangkakhui maleimana, kha iwui mibingli nganaomi khavai ina Davidli kapangkhui.’”

1 THOTRINCHĀN 17:7

“Chiwui vang eina iwui rao Davidli nana hithāda hāngra, ‘Ashangva̱wui Prohona kahāngna, nana yaobingli shurzatta seihomphungli zatlakha, iwui Israel mibingwui wungnao sāranu da nali ina hokhui;

1 THOTRINCHĀN 21:17

Kala Davidna Vareli hānga, “Mi mashing shānkhui khavai kakaso chi ina maningmala? Makaphā-makhayā morei kasaa chi ina. Kha yaonaobing hina khi sāhaokhala? O Proho iwui Vare, ina seihā sali, napāng iwuitungli kala ishāvāwui shimkhurtungli tāranu; kha kazātkashi hi nawui mibingwuitungli matā ngasakmialu.”

AMOS 7:15

kala yao ashangli homkazatwui eina Prohona ili hokhuida, ‘Vāda, Iwui Israel mibingli amarānlu’ da hānga.

OTSAK 7:46

Davidna Varewui ngahānkhangai samphanga kala Jacobwui Vare pamkhavai shim akha sakākhavai Vareli khamayā poi.

1 SAMUEL 10:1

Chiwui thili Samuelna thaokhong akha khuishoklaga Saulwui akuili chi heirora, kala ali maya̱khuida hānga, “Awui yur Israelwui wungnao sākhavai Prohona nali neokhami maningmala? Prohowui yurbingwuitungli nana mungra, kala kuimareida khalei athumwui yangkashebingwui pāng eina nana kanmira, kala hina nali khudam sāra kaja awui shimlui tungli wungnao sākhavai Prohona nali thao neomi kahaina.

1 SAMUEL 2:8

Ana kachāmali chifawui eina khāngkhui, khavātali hotlāwui eina khāngkhuida, athumli wungnaobingli thuingaren ngasaka, kala maikhayā pam samphang ngasaka. Kaja okathuiwui pakra̱bing Prohowuisera, kala chiwuitungli ana apuk-apagva̱ khaningkai.

1 SAMUEL 9:16

“Akhama, atam hitharan, Benjamin ramwui eina ina mi akha chihorāra. Iwui Israel yurwui awunga sākhavai ali thao neomilu. Philistinenaobingwui pāng eina ana iwui yurbingli kanmira, kaja iwui yurbingwui kachotkachāng ina theihaira, khikhalajila athumwui khangakaokhon ili rāshunghaira.”