2 SAMUEL 7:7 - Kathara Bible (BSI)

⁷ Ina Israelwui mibingli ngasokazat pam saikorali, ina wungva̱-wungvābingli khituikha kahānghairala kala iwui mibingli homkhangasaka athumli, khisāda cedarthing eina ili shim masāmimakhala’ da ina kahāngla?

2 SAMUEL 7:7 Iomraidhean Croise

2 SAMUEL 5:2

Khare kachāng Saulna ithumli munglakha Israelli thānshokkhame chi nana; kala Prohona nali, ‘Iwui Israel mibingwui yao kahoma sāra, kala athumwuitungli nana wungnao sāra’ da hānghaira.”

1 THOTRINCHĀN 11:2

Achālakha Saulna awunga salakhala, Israel mibingli thānshokkhame chi nana; kala nawui Proho Varena nali, ‘Nana iwui Israel mibingli homra, kala nana iwui Israel mibingli mungra’ da hangkahaina.”

1 THOTRINCHĀN 17:6

Ina Israel saikorali ngasoda apam saikorali kazat hili Israelwui wungva̱-wungvābing, iwui mibingli homluda kaso kahaibingli; “Khiwui vang nathumna ili cedarthingwui shim masāmimakhala” da ngathinghairala?’

ISAIAH 40:11

Yaokahoma thāda ana yaobingli mizāra; yaonaobing apāngli kazipkhuira; awui makāli vamzatra; kala anao khangathāna ava̱bingli ngaironda homzatra.

ISAIAH 66:1

Prohona hithāda hānga: “Kazingram iwui wungpamkhongna, okathui iphei naikhavaina; iwui vang nathumna khishim sāmikida, kala iwui ngasām khavaipam kali leida?

JEREMIAH 23:4

Ina athumli yangmi khavai yaokahomabing phāsangmira, kala athumna mangacheeluimara, kaphaning masuitāluimara, kashimānla mashimānmara, da Prohona hānga.

JEREMIAH 3:15

“‘Kala iwui kaphaningli ngaraikachā yaokahomabing ina mira, athumna nathumli theithangkhamei kala theikhuikathei eina ngasoda phauira,

EZEKIEL 34:15

Iwui yaobingwui kahoma ina sāra, kala ina athumli ngayaipi ngasakra, da Proho VAREna hānga.”

EZEKIEL 34:2

“Miwui naomayara, Israelwui yaokahomabingwuitungli marānmilu, marānlu, kala athumli hānglu, yaokahomabing eina tangdalila, Proho VAREna kahāngna: O Israelwui yaokahomabing, khalatta phākachizātbing! Yaokahomabingna yaobingli phāchizātki kaji maningmala?

EZEKIEL 34:23

Kala ina athumli yaokahoma akha, iwui rao Davidli phāsangra, kala ana athumli phāchizātra: ana athumli phāchizatta athumwui kahoma sāra.

MICAH 5:4

Kala ana nganingda Prohowui pangshap eina, awui Vare Prohowui amingwui khayākakā chieina yaoshangli phauira, kala athumna ninglumtur eina pānra, kaja ara okathuiwui akatanga vāshungda ana kahaka ngasāhaora.

MATTHEW 2:6

‘Judah ngaleili khaleiya O, Bethlehem, nava Judahwui keinungbingwui ngachaili teomeikap kaje khamunga maningmana; kaja khamunga akhavā akha nawui eina shokta iwui miyur Israelli mungra.’”

OTSAK 20:28

Manglā Katharana nathumwui pāngli horsangmi kahai yaonao saikorawuitunglila, kala nathum khalattawuitunglila ngasharlak eina mayonlu kala Anaomayarana thikhami kala pha̱phayākhami mangā eina awui ngasā ngasak kahaia Varewui churchli homlu.

OTSAK 21:28

“Israelnaobing, ngachonmilu, apam kachiva̱li yaoung yaovālaga, Israelwui mibing, Moseswui ain kala khorumshimli makhamayā tamkachitheipa chi hina. Chili lāngda ana khorumshimlungli Gentilewui mi khuizanglaga tharkhamathengpam makhao ngasakhaira.”

KHALATLUI 23:14

Khikhalajila Proho nathumwui Varena nathumwui rāmrahlungli yaozatta kanmi khavai kala yangkashebingli nathumwui pāngli horsangmi khavai khaleiwui vang, rāmrah tharmathengda haiphalungra; nathumwui alungli ana makathar ot theilaga thuihaipaishina.

1 PETER 5:1

Ila churchwui arar akha sāda nathumwui church ararbingli kapona: I Khristawui kachotkachāngwui shākhi khame akhana kala rāphongmiki kaji tekhamatei chili ila zangrumra.