2 SAMUEL 7:3 - Kathara Bible (BSI)

³ Chieina Nathana awungali hānga, “Zatlu, nawui ningli kaphaning saikora sālu, kaja Prohona nali ngasomida lei.”

2 SAMUEL 7:3 Iomraidhean Croise

2 SAMUEL 7:4

Kha chithang ngayā Prohowui tuina Nathanli rāhānga;

1 WUNGNAOBING 1:8

Kha pāngmon Zadok, Jehoiadawui naomayara Benaiah, marān, Nathan, Shime-i, Rei, chili lāngda Davidwui kapingabing Adonijahwuili mazangmana.

2 WUNGNAOBING 4:27

Kaphung kākashung tharan Varewui mipāwui phei asingkhui. Chieina Gehazina shimenshok khavai sai. Kha Varewui mi china, “Aningkhānranu; wukkhananglāk eina leidalei kala Prohona thumhaida ili khikha mahāngmana.”

1 THOTRINCHĀN 22:7

Davidna Solomonli hānga, “Inaomayara, iwui Proho Varewui mingli ina shim akha sākhavai phaningsai.

1 THOTRINCHĀN 28:2

Chiwui thili Awunga Davidna yarui mangāli ngakarthuida hānga, “Ichināngarā kala iwui mibing, ili nganālu. Prohowui tuingashit oko hi haikhavai kala Prohowui phei naikhavai ina shim akha sākhuira da machuksai; kala chi sākhavai ngarānhaira.

1 THOTRINCHĀN 29:29

Awunga Davidwui otsak, khare eina thuilaga khanao eina tangda, marān Samuelwui Thotrinchānli, Nathan marānwui Thotrinchānli, kala Gad marānwui Thotrinchānli kapiserhaida lei,

2 THOTRINCHĀN 29:25

Kala ana Levinaobingli, kortar, tingteilā, lyre singda Prohowui shimli David awunga kala awungawui marān Gad kala Nathan marānna kakaso athishurda chipama, kaja kakaso chi Prohona awui marānbingli rāhāng ngasaka.

LAA 20:4

Ana nawui ningkachāng mayāmiranu, kala nawui khangarān saikora ungshungmiranu!

LAA 37:4

Proholi ningyāng unglu, chithākha ana nawui ningkachāng mira.

1 JOHN 2:27

kha nathumwui vanga Khristana nathumli Manglā Kathara heirormihaira. Awui Manglāna nathumli ngasomida leilakha eina tangda nathumli khangateina tamkachithei kankhanā maleimana, kaja awui Manglāna saikora tamchithei kala ana tamchithei kahai chi khamashungmānga, khalāng mazanglakmana. Tamchithei kahai saikora chi mayonda Khristali leichinglu.

1 SAMUEL 10:7

Chieina machutkakhui saikora hi nali samphang kahaiwui thili nana sāki kaji ot chi sālu, kaja Varena nali ngasomida lei.

1 SAMUEL 14:7

Chieina awui chāngvei phungkhame china, “Nawui ningna sākhangai chi sālu; yanglu, iniwui ning ngaraikacha thāda ila nali ngasozatta lei” da hānga.

1 SAMUEL 16:7

Kha Prohona Samuelli hānga, “Azakli mayangalu, lah asho-areplila mayangalu; khikhalajila ali ina mamayāmana. Kaja miwui thāda Prohona azakli mayangmana; kha Prohova wuklungli khayangna.”