2 SAMUEL 7:16 - Kathara Bible (BSI)

¹⁶ Kala nawui shimkhur kala nawui wungram iwui mangāli leiching ngasakra, nawui wungpamkhong katang mavaimara.’”

2 SAMUEL 7:16 Iomraidhean Croise

HAOKAPHOK 49:10

Wungnao khānthing Judahwui eina mathuimara, lah khamungawui khāmshui apheiwui eina mathuimara, singkhangaye chi marāranglakha; kala mibingna ali khayāshira.

2 SAMUEL 22:51

Awui awungali yuikhamataiya sangasakmi; Ana thao neomi kahaiya chili makhangachei leikashi chitheimi, Davidli kala awui naotunli, katang mavaila.”

2 SAMUEL 7:13

Iwui mingwui vang ana shim akha sāra, kala awui wungramwui wungpamkhong mangacheila ina semkāmira.

2 SAMUEL 7:17

Tui hibingwui athishurda, kala mahākhami hiwui athishurda, Nathanna Davidli hāngsera.

1 WUNGNAOBING 2:4

chieina Prohona ili ‘Nanaomayarana khamashung eina zatta kala ningla, yāngla tongda iwui kahāng nganaakha nawui mahut Israelli mungkhavai nanao ngarāli michingra’ da hāngkahai chi makahatlakla ungshung ngasakra.

1 WUNGNAOBING 9:5

ina navā Davidli ‘Israelwui wungpamkhongli chipam khavai ina nali mi mavatmilakmara’ da ngashit kahai thāda ina Israelwuitungli nawui wungpamkhong katang mavaila sakāmira.

2 WUNGNAOBING 19:34

Kaja I khalattawui vang kala iwui rao Davidwui vang ina keinung hi kankhuiki kajina.”

2 WUNGNAOBING 8:19

Chithālala, awui rao Davidwui mangā eina Judah shimānchao khavai masāmana, kaja a eina awui naomayarabingli thaomei akha katang mavaila mira da ngashithaisai.

2 THOTRINCHĀN 6:16

Chiwui vang eina O Proho, Israelwui Vare, narao ishāvā Davidli nana, nanao ngarāna ningngasharda, nana iwui kahāng khanganā thāda zatakha, Israelwui wungpamkhongli kapama, nawui mahut kashina mavātlakmara, da hāngkahai chi phaningungmichinglu.

JOBWUI LAIRIK 36:7

Khamashungwui eina awui mik mangareithuimana, kha awungabingli ngasoda wungpamkhongli katang mavaila athumli chipamlaga khayā kāngasaka.

LAA 45:6

Nawui kathara wungpamkhong mashimānda mashimānla lei, nawui khānthing

LAA 72:5

Zimik kachāng leilakha eina tangda, thot saikorali vāpeida ali okpeiranu.

LAA 89:4

‘Nawui ara̱-azā mashimānda ina sakāmira, kala nawui wungpamkhong mithot peida sakāmira.’”

ISAIAH 9:6

Kaja, ithumli nao akha pharāmihaira, ithumli naomayara akha mihaira; kala shorkar ana phungra, kala awui ming, “Matakkhakkahai Machinme, Pangshapa Vare, Katangmakhavai Avāva̱, Chingrikahai Wungnao” da hora.

ISAIAH 9:7

Awui shorkar mataikasang, kala chingri kahai katang maleimara, Davidwui wungpamkhongtungli kala awui wungramtungli, chi semkā khavai, kala chi mashun eina ngasoda kala khangarong eina ngasoda arui atam eina thuida katang mavaila leichingra. Saikorawui Prohona sāmikhangai china hi ungshungra.

JEREMIAH 17:25

Davidwui wungpamkhongli kapam awungabing, siguigarilungli kala siguitungli katonga wungnaobingli, kala Judahwui mibing eina Jerusalemwui mibingli ngasoda ngaveili zangra; kala keinung hili okthuichingra.

JEREMIAH 33:17

Kaja Prohona hithāda hānga: Israel shimkhurwui wungpamkhongli chipam khavai Davidna mi akhala mavātmara,

EZEKIEL 37:25

Kala iwui rao Jacobli ina mikahai navā ngarāna pamkasā ngalei chili athumna pamluira; athumla anao ngarāla, naobingwui naobingla chili leichingda iwui rao Davidna athumwui wungnao sāda mungra.

DANIEL 2:44

Chitharan atungshongwui Varena khangazipa wungram akha sākara, kala chiwui sākashap vākashap pangshap chi yur khangateili mahorsangmimara. China wungram saikora sākathānhaora, kala chiya leichingra;

DANIEL 7:14

Ali pangshap kala tekhamatei kala wungram mi, kaja miyur saikora, yur saikora kala, tuiyur saikora ali otram ngatha̱ khavai; awui pangshap katang makhavai pangshapna; chi kashimān kaho maleimara; kala awui wungram chiya sākashimān maleimara.

MATTHEW 16:18

Kala ina nali kahāngna, na Peterna kala lunghār hiwuitungli ina iwui church sākara, kala kathiwui pangshapna chili mayuirarmara.

JOHN 12:34

Yaruina ngahānluishita, “Ithumwui ainli Khrista mathilakmara da hanghai. Kathada miwui Naomayarali khangkāra da hāngpaira? Miwui Naomayara hi khipākhala?”

HEBREWNAO 1:8

Kha Anaomayarawui pongli hithada hānga. “He Varivara! nawui wungpamkhong mashimānda leichingra! Nawui mibingli nana mashun eina mungra.

PHONGKHAMI 11:15

Chiwui thili kashine kazingrao china awui talla̱ chi khonguwa; chiwui thili kazingramli akhon panglāk eina vaoda hānga, “Okathuiwui wungram, ithumwui Proho kala awui Messiahwui wungram ngasāhaira, ana katang mavaila mungra.”

1 SAMUEL 25:28

Narao iwui khalāng kapheomilu da poli; kaja ishāmeina Proho wui vang rai ngararhaowa da mashoila Prohona nawui shimkhurli somira, kala nana ringlakha eina tangda nali makaphā akhala masamphangmara.