2 SAMUEL 5:6 - Kathara Bible (BSI)

⁶ Awunga eina awui mibingna Jerusalemli khalei Jebusnaobingli ngarar khavai vai; chili kapambingna, Davidli, “Na hili marāzangthukmara” da kaphaningwui vang, “Nana hili marāzangrarmara, pheikatek mik khangapeobingnala nali kashamshapra” da hānga.

2 SAMUEL 5:6 Iomraidhean Croise

HAOKAPHOK 14:18

Kala Salemwui awunga Reikhamataia Varewui pāngmon Melchizedekna khamui eina drakhāra̱ khuivāngaroka;

2 SAMUEL 22:30

Mha, nawui mangā eina ina raimibingli yuishapa; kala iwui Varewui mangā eina ina raipan yongkānshapa.

CHĀNSAM 21:22

Kapingana khikha mathamara da kachihan keinung chi thangkhama tamkazaklaga sākhai.

JEREMIAH 21:13

“Yanglu, O tampākli kapambing, ina nathumli mamayāmana, O tampākwui lunghār da Prohona hānga; nathumna hānga, khipāna ithumli tāngasungshaprakhala? Khipāna ithumwui shimli rāzangshapkhala?

JEREMIAH 37:10

Kaja nathumli ngararda khalei Chaldeawui raimi saikorali nathumna yuihailala athumwui ngachaili khamā kaza̱ athumwui kachonshimli khaleibing athummāngnala thuingararkhuilaga keinung hi mei eina thottāra.”

HEBREWNAO 7:1

Melchizedek, Salemwui awunga, kala Reimataimeikap kaje Varewui pāngmon china Abrahamna raili vāda awungabingli sāthathailaga hankhaung tharan angarokta somi,

JOSHUA 10:3

Chieina Jerusalemwui awunga Adoni-zedekna Hebronwui awunga Hoham, Jarmuthwui awunga Piram, Lachishwui awunga Japhia kala Eglonwui awunga Debir athumli pao chihovāda hānga;

JOSHUA 15:63

Kha Jebusbingli Judahbingna Jerusalem eina makashamshokrarthuwa; chieina Jebusbing Judahbingli ngasoda aja eina tangda Jerusalemli pamda lei.

JOSHUA 18:28

Zela, Ha-eleph, Jebus (chiya Jerusalem), Gibe-ah kala Kiriath-jearim; athumwui kha̱bing eina ngasoda keinung tharāda matina. Hi Benjamin shangli athumwui shimkhurwui athishurda yarkahai shimluina.

WUNGVA̱-WUNGVĀ 1:21

Kha Jerusalemli pamkasā Jebusnaobingli Benjaminwui mibingna makashamana; chiwui vang eina aja rāshungda Jerusalemli Jebusnaobing eina Benjaminwui mibing pamrumda lei.

WUNGVA̱-WUNGVĀ 1:8

Kala Judahwui mibingna Jerusalemli ngararda chi khui, kala raighai eina sāthatserhaowa, kala keinungla mei sa̱tamihaowa.