2 SAMUEL 5:2 - Kathara Bible (BSI)

² Khare kachāng Saulna ithumli munglakha Israelli thānshokkhame chi nana; kala Prohona nali, ‘Iwui Israel mibingwui yao kahoma sāra, kala athumwuitungli nana wungnao sāra’ da hānghaira.”

2 SAMUEL 5:2 Iomraidhean Croise

HAOKAPHOK 49:24

thālala awui malā mangatha̱lakmana, pāngthei thāngthaprap Jacobwui Sashap-vāshapa china (Israelwui Lunghār, Yaokahoma ming china) sāmihaira,

2 SAMUEL 6:21

Kala Davidna Michalli hānga, “Prohowui mi, Israelwuitungli wungnao sāda ili kapangkasang, navāwuitungli, awui shimkhur saikorawuitungli, ili kapangkakhuia Prohowui mangāli kasāna— kala Prohowui mangāli ina ringphāchingra.

2 SAMUEL 7:7

Ina Israelwui mibingli ngasokazat pam saikorali, ina wungva̱-wungvābingli khituikha kahānghairala kala iwui mibingli homkhangasaka athumli, khisāda cedarthing eina ili shim masāmimakhala’ da ina kahāngla?

2 SAMUEL 7:8

Chiwui vang iwui rao Davidli ahānglu, ‘Ashangva̱wui Prohona hithāda hānga, nana yaohomda khararli zatkasāwui eina Israelnaoli wungnao sākhavai ina hokhui;

2 WUNGNAOBING 20:5

“Ngareiungda iwui mibingwui wungnao Hezekiahli hānglu, ‘Navā Davidwui Proho Varena kahāngna: Ina nawui seihā kasā shāhaira, kala nawui chara̱ katā theihaira; yanglu, nawui kazāt ina raimihaida kakathumathang nana Prohowui shimli kāra.

1 THOTRINCHĀN 11:2

Achālakha Saulna awunga salakhala, Israel mibingli thānshokkhame chi nana; kala nawui Proho Varena nali, ‘Nana iwui Israel mibingli homra, kala nana iwui Israel mibingli mungra’ da hangkahaina.”

2 THOTRINCHĀN 1:10

Mibing hiwui mangāli khangashok khangakhang theishapa ili thangkhamei kala kathem milu, kaja hiyākha hakkhamahā nawui mibingli khipāna mungrarrakhala?”

ISAIAH 40:11

Yaokahoma thāda ana yaobingli mizāra; yaonaobing apāngli kazipkhuira; awui makāli vamzatra; kala anao khangathāna ava̱bingli ngaironda homzatra.

ISAIAH 55:4

Yanglu, ali ina mibingbingwui vang shākhi akha ngasā ngasaka, mibingwui vang kathāna kala akhoka akha sāngasaka.

EZEKIEL 34:23

Kala ina athumli yaokahoma akha, iwui rao Davidli phāsangra, kala ana athumli phāchizātra: ana athumli phāchizatta athumwui kahoma sāra.

MICAH 5:4

Kala ana nganingda Prohowui pangshap eina, awui Vare Prohowui amingwui khayākakā chieina yaoshangli phauira, kala athumna ninglumtur eina pānra, kaja ara okathuiwui akatanga vāshungda ana kahaka ngasāhaora.

MISHĀN 27:17

ana athumwui mangāli rizatra, athumli thanshokmira kala thānzangmira; chithāda sāda Prohowui ashangva̱ yaokahoma makhalei yaonao thāda mazatmara.”

MATTHEW 2:6

‘Judah ngaleili khaleiya O, Bethlehem, nava Judahwui keinungbingwui ngachaili teomeikap kaje khamunga maningmana; kaja khamunga akhavā akha nawui eina shokta iwui miyur Israelli mungra.’”

JOHN 10:11

“I kaphā yaokahomana. Kaphā yaokahoma china yaobingwui vang manglā chihomi.

HEBREWNAO 2:10

Ot saikora kasā kala phāri khavai Varena mi kachungkhali Anaomayarawui tekhamatei chi samphangrum khavai mingasakphalungra kaji hi mashunglaka.

1 SAMUEL 13:14

Kha ara nawui wungram maleiluimara; Prohona awui ningkachāng mi akha pākhuihaira; awui mibingwuitungli wungnao sākhavai kapangkhuihaira; khikhalajila Prohowui kakaso nana mashurthuwa.”

1 SAMUEL 16:1

Prohona Samuelli hānga, “Saulna Israelwui awunga saki kaji ina mamayāmana kaji thatheilaga nana awui vang karankha sifarakhala? Thaokhongli thao sangkhuilu, kala zatulu; ina nali Bethlehempa Jessewuili chihovāra; kaja awunga sākhavai iwui vang awui naomayarabingwui eina ina akha kapangkhuihaira.”

1 SAMUEL 18:13

Chiwui vang eina awui ngalemli mahaila thingkhawui akhavā sāngasakta athumli thānzata.

1 SAMUEL 18:16

Kha Israel eina Judahwui mi saikorana Davidli leishi; kaja ana athumli ngasoda thanung-thanvā sai.

1 SAMUEL 18:5

Kala Saulna kachiho apam kachiva̱li Davidna yuichinga; chiwui vang Saulna ali raimiwuitungli yangkhavai haimi. Kala hi mi saikora kala Saulwui raobingwui mikyanli phālakhaowa.

1 SAMUEL 25:28

Narao iwui khalāng kapheomilu da poli; kaja ishāmeina Proho wui vang rai ngararhaowa da mashoila Prohona nawui shimkhurli somira, kala nana ringlakha eina tangda nali makaphā akhala masamphangmara.

1 SAMUEL 25:30

Kala ishameiwui kaphawui vang Prohona hāngkahai athishurda sāmi kahai chitharan, kala Israelwui awunga sākhangasak tharan,

1 SAMUEL 9:16

“Akhama, atam hitharan, Benjamin ramwui eina ina mi akha chihorāra. Iwui Israel yurwui awunga sākhavai ali thao neomilu. Philistinenaobingwui pāng eina ana iwui yurbingli kanmira, kaja iwui yurbingwui kachotkachāng ina theihaira, khikhalajila athumwui khangakaokhon ili rāshunghaira.”