2 SAMUEL 4:12 - Kathara Bible (BSI)

¹² Kala Davidna awui raimibingli kasoda athumna aphei apāng katatlaga phasā chi Hebronwui ra̱khongpheili hokthanghai. Kha Ish-boshethwui kui chi khuilaga Hebronli Abnerwui chikhurli chifahaowa.

2 SAMUEL 4:12 Iomraidhean Croise

2 SAMUEL 1:15

Chieina Davidna yaronnao akhali hokhuida hānga, “Zatlu, mi hili sāthathaolu,” kala ana shātta thihaowa.

2 SAMUEL 16:8

Kala, “Saulwui pamli nana mungda, Saulwui shimkhurwui ashee tākahai saikora chiwui athut Prohona nawuitungli hāngsangkhamina; kala wungram chi nanaomayara Absalomwui pāngli mikahaina. Yanglu, sākakhayang chi nawuitungli lei; kaja na ashee tāngasak kahaiya mina.”

2 SAMUEL 2:8

Chitharan Nerwui naomayara, Saulwui raithāna Abnerna Saulwui naomayara Ish-boshethli thānphungda Mahanaimli khuivai;

2 SAMUEL 21:9

awungana Gibeonbingwui pāngli horsangmi. Kala Prohowui mangāli phungreili phāshi sāhaida athum thitkha sāhaowa. Athumli phāshi kasā hi mahā kachāngwui hatkhare thangna.

2 SAMUEL 3:32

Athumna Abnerli Hebronli chifahaowa, kala Davidna Abnerwui chikhurtungli panglāk eina achapa, kala mibing saikorala chapsera.

LAA 55:23

Kha, O Vare, nana athumli thukmeikap kaji chomli horsanghaora; ashee ningkachāngbing kala kachipatabing, athumwui mirin tangkhaila maokthuimara. Kha iva nali shitsangtha̱ra.

MATTHEW 7:2

Kaja nathumna bichar kasā tākam eina nathumlila bichar sāra, kala nathumna kateili khān katamyākha nathumlila tamra.