2 SAMUEL 3:8 - Kathara Bible (BSI)

⁸ Chieina Ish-boshethwui tui chi shālaga Abner malungvātshunhaida hānga, “I Judahwui fakuila? Aja eina tangda ina navāwui shimkhurli, achināngarāli, awui ngasotnaobingli khayākashi michinga, nalila Davidwui pāngli mahorsangmimana; laga nana ili aja sha̱naowui pongli phenphāphāda leili.

2 SAMUEL 3:8 Iomraidhean Croise

2 SAMUEL 16:9

Zeruiahwui nao Abishaina, “Thikahaiya fa kathā mi hina ishāmei awungali khi sāda khonshi khavai leikhala? Ina vāda akui arangtāmihaoga” da awungali hānga.

2 SAMUEL 2:8

Chitharan Nerwui naomayara, Saulwui raithāna Abnerna Saulwui naomayara Ish-boshethli thānphungda Mahanaimli khuivai;

2 SAMUEL 3:18

Chieina ara chiwui pongli khuirālu; kaja, Prohona Davidli hithāda ngashithaira, ‘Iwui rao Davidwui pāng eina iwui Israel miyurli Philistinenaobingwui eina kala yangkashe saikorawui eina ina kankhuimira.’”

2 SAMUEL 3:9

Varena Davidwui vang ngashit kahai chi ungshung khavai ina masāsi kaje, Abner ili Varena theiranu,

2 SAMUEL 5:2

Khare kachāng Saulna ithumli munglakha Israelli thānshokkhame chi nana; kala Prohona nali, ‘Iwui Israel mibingwui yao kahoma sāra, kala athumwuitungli nana wungnao sāra’ da hānghaira.”

2 SAMUEL 9:8

Chieina ana khorumda hānga, “Thikahai fali ina phakhamei maleimana, amei! Khiwui vang ili chiyakha sakta yangsangmikhala?”

2 WUNGNAOBING 8:13

Chieina Hazaelna hānga, “Narao iya fa kathāna, chiyākha hakkhamahā ot ina kathāda sāshaprakhala?” Elishana ngahānkai, “Na Syriawui awunga sāra da Prohona ili chitheimihaira.”

LAA 76:10

Kachangkhatta, mibingwui malung kakangna nali sochikatra; malung kakangwui taikashokbing nali shaksāmira.

ISAIAH 37:23

“'Na khipāli mana̱shihaira, kala khipāli temshihaira? Khipāwuitungli akhon chuihaira kala khipāwuitungli miktingda khayang? Israelwui Tharkhamathengpālilamā!

KHALATLUI 23:18

Nathum khayorva̱ akhawui aman, lah fa akhawui aman, Proho nathumwui Varewui kathara shimli khikha khangashit kasāwui pheisā mikhavai makhuirāpaimana, kaja khanini hi Proho nathumwui Varewui mangāli ningkakachai otna.

1 SAMUEL 15:28

Chieina Samuelna ali hānga, “Prohonala aja nawui ngalei ngakaikhaihaida nali phākhamei nawui khongnai akhali mihaira.

1 SAMUEL 17:43

Kala Philistinepa china Davidli hānga, “I fala, chiwui vang khāmshui singlaga kharāla?” Kala awui varebingli mingzailaga Davidli khonshi.