2 SAMUEL 22:9 - Kathara Bible (BSI)

⁹ Anātangkhurli meikhut shoka, kala akhamorli mei mermer chui, thingjangmeithā thāda malingtinghai.

2 SAMUEL 22:9 Iomraidhean Croise

2 SAMUEL 22:13

Awui mangāli kahor chiwui eina meithā malingting eina shokngasaka.

2 SAMUEL 22:16

Chiwui thili Prohona khakkhākharor eina, shamadruwui ra̱shongla thei, apuk-apagwui zangkatangla ngahāhanghaowa.

JOBWUI LAIRIK 4:9

Varewui khakkhā eina athum shimāna, kala awui malungkhavātwui kakhangang eina athum shimāna.

LAA 18:15

Chiwui thili shamadruwui apong chi theihaowa, kala apuk-apagwui shimphungala ngahāhang eina theihaowa; O Proho, nana kakharar eina, na nātangkhur kakathang eina.

LAA 18:8

Anātangkhurwui eina meikhut shoka, akhamorwui eina meiwon shoka, malingting kahai meithā awui eina hānshoka.

SHONGZĀ 19:18

Kala Sinai Kaphungli meikhutna ngapuiphinhaowa; kaja Prohona chiwuitungli mei eina tai; kala chiwui meikhut shālui kachui thāda kai, kala phungrei katonga nganuka.

SHONGZĀ 24:17

Prohowui tekhamatei azak chi Israelnaobingwui miktāli phungreiton chili mei kachui thai.

ISAIAH 30:27

Yanglu, Prohowui aming katāva̱ eina rāra, ngapuirut kahai meikhut kashok thāda lungvāt eina; awui morchaili sākashina pemda amale khamaringa mei thai;

ISAIAH 30:33

Kaja riktā khavai apam akha ngarānhaidalei; mha, awungawui vang kathuka kala khamashā meifa akha, meilā thingla sorngasaida ngarānhaidalei; Prohowui khakkhā china mei thāda thotkāra.

JEREMIAH 15:14

Nathumna makathei ngaleili ina nathumli yangkashibingwui otram ngatha̱ ngasakra; kaja, iwui malungkathui mamitlakki kaji mei thada chuikāhaira.”

JEREMIAH 5:14

Chiwui vang, saikorawui Prohona hithāda hānga; “Khikhalajila athumna hithāda kahāngwui vang, yanglu, nakhamorli iwui tui mei ngasā ngasakra, mibing hina thing sāda, mei china chuitāhaora.

HABAKKUK 3:5

Awui mangāli kazātkashi rai, kala mimaona yunronda shurzata.

KHALATLUI 32:22

Kaja iwui malungkhavāt eina mei chuihaira, kala chi Kathewui ram zangshungda chuiya, okathui kala chiwui thingnā-ra̱hā chuiserhaira, kala phungreipheibing saikora mei chuihaira.

HEBREWNAO 12:29

Kaja ithumwui Vare hiya kachuia meina.