2 SAMUEL 2:5 - Kathara Bible (BSI)

⁵ Davidna paomebing chiholaga Jabesh-Gileadwui mibingli hithāda hānga, “Nathumli Prohona somiranu, khikhalajila namei Saulli nathumna khayāshilak eina chifakhamiwui vang!

2 SAMUEL 2:5 Iomraidhean Croise

HAOKAPHOK 14:19

kala ana somida hānga, “Kazing ngalei kasā Juikhamataia Varena Abramli somiranu;

HAOKAPHOK 14:22

Kha Abramna Sodomwui awungali hānga, “Reimeikap kaje kazingram eina okathui kasāa Proho Vareli ina shākhi sāhaira,

2 SAMUEL 15:20

Nathum ayāmāng kharāna, laga ina makatheipamli kathāda thānzatkachangrakhala? Nachinā ngarāli thānphungda ungulu, Prohona awui makhangachei leikashi chitheida ningtongda yangmiranu.”

2 SAMUEL 21:12

Davidna Saul kala anaomayara Jonathanwui ara̱kui, athumli Gilboali sathatthang Philistinenaobingna Beth-shanwui yarui leihngapha̱li hokthanghaisāda Jabesh-gileadwui mibingna ngathumda khuithui kahai chi akhui;

LAA 115:15

Kazing ngalei kasaa Prohona, nathumli somiranu!

JOSHUA 2:14

Chieina anina ali hānga, “Iniwui manglā nawui vāngna! Kalikha nana ithumwui khangashit hi mahatakha Prohona ngalei hi ithumli khami tharan nashilila lumashanda ningtonglak eina sāmira.”

WUNGVA̱-WUNGVĀ 21:8

Kala athumna hānga, Mizpahli Prohowui kazip chili makharā Israelwui shang chi khipāshikhala? da ngahāna, kala yanglu, Jebesh-gileadwui eina mi akhala marāmana.

RUTH 1:8

Kha Naomina arihāva̱ khanili, “Ungulu, kachichā shāva̱wui ngalemli hanungulu. Kathebinglila, kala ilila nanina mathālak eina sākhami thāda Varenala nanili mathālak eina nganaomiranu.

RUTH 2:20

Chieina Naomina arihāva̱li hānga, “Thikahaialila kala kharingalila lumashanmiching kaje Prohona ali somiranu.” Naomina hithāda hānglui, “Mipā chi ishiwui nganailak kahai thei-sāna.”

RUTH 3:10

Chieina ana hānga, “Prohona somiranu, inaongalava̱, nana kashānga yaronnaolapai kachāmalapai khangatei maphāla ili khayākashi kachithei hina ridawuili ajawui hina mataimei.

1 SAMUEL 11:1

Chiwui thili Ammonwui Nahashna Jabesh-gileadli shanglaga kuinamhaowa; chieina Jabeshwui mi saikorana Nahashli, “Mayākhangarok akha leisa, laga ithumna nali otram ngatha̱ra” da hānga.

1 SAMUEL 11:9

Kala athumna chili kharā paomebing chili hānga, “Jabesh-gileadwui mibingli hithāda unghānglu: ‘Akhama zingyorshun atamli nathumli rākanmira’ jilu.” Paomebingna chi ungkahāng eina Jabeshwui mibing mathānlakhaowa.

1 SAMUEL 15:13

Chieina Samuelna Saulwuili vai, ani samkaphang eina Saulna Samuelli hānga, “Prohona somiranu; Prohona kakaso chi ina sāhaira.”

1 SAMUEL 23:21

Saulna hānga, “Ili nathumna leishikhamiwui vang Prohona somiranu.

1 SAMUEL 24:19

Kaja mi akhana awui yangkasheli samphanglaga thāda chiho kahai khipā leikhala? Nana ili aja sākhami hiwui vang Prohona nali khamathā sāman miranu.