2 SAMUEL 17:9 - Kathara Bible (BSI)

⁹ Yanglu, aruila akhurli, lah apam akhali ngathumda leilapai. Ngararkaphok atamli nawui mi khani akha thihaiakha, kachikathāna shāda ‘Absalomli kashurbingli sāthatserhaira’ da hāngpai.

2 SAMUEL 17:9 Iomraidhean Croise

2 SAMUEL 17:10

Chieina chi shālaga, kazingkha̱ malung kathā nawui rai khamarākbingla ngacheehaora; kaja navā hiya kapanga mina da Israel saikorana thei, kala ali khangasobing chiya rai khamarākabing mānga kaji athumna thei.

2 SAMUEL 17:8

Kala Hushaina hāngluishita, “Navāla, awui mibingla raikapinga mānga, kala athum luili singom anao tukkhui kahai thāda sāshilak eina zatta lei. Hili lāngda navāva rai khangararwui pongli themlāk kahai mina, ngayā milila mangasopimara.

JEREMIAH 41:9

Ishmaelna kathingun horsang khavai paibung chi kahakva̱na; hi Israelwui awunga Baashana rai rākatā atamli ngararkham khavai Awunga Asana chuikakhui paibungna; Nethaniahwui naomayara Ishmaelna paibung chi kathingun eina chipema.

JOSHUA 7:5

kala Aiwui mibingna Shebarimwui ngaveikhur eina tangda ngahomtai kala athum thumrāda tharuk sha̱khali shaothathaowa. Chi theilaga mibing malungkaping shimānhaida ngacheeranghaowa.

JOSHUA 8:6

kala keinung chiwui eina athumna ithumli kharom khavai shokser ngasakra, kaja ‘Athum kharewui thāda yāmluihaira’ da athumna hāngra. Chieina ithumna athumwui eina yāmhaora;

1 SAMUEL 22:1

Davidna chiwui eina yāmlaga Adullamwui lungkhurli angathumpama; kala achināngarā kala ashi avāva̱shi shimkhurna chi kashā eina, athumna chili ali asamphanga.

1 SAMUEL 23:22

Zatlu, yangkazakkhuilu; awui pamkhavai chi kachilikhala kaji yangkhuilu; kala khipāna theikhala kaji; kaja a hi shinglak kahai mi akhana da ili hānga.

1 SAMUEL 24:3

Kala ana shongfa ngalemli yaoshim sākahaipamli vākashung tharan, lungkhur akha leisāda chili Saulna zangngasāmkhui. Chitharan David eina awui mibing lungkhur chiwui alung thukmeithui kaji chili pamsai.