2 SAMUEL 17:8 - Kathara Bible (BSI)

⁸ Kala Hushaina hāngluishita, “Navāla, awui mibingla raikapinga mānga, kala athum luili singom anao tukkhui kahai thāda sāshilak eina zatta lei. Hili lāngda navāva rai khangararwui pongli themlāk kahai mina, ngayā milila mangasopimara.

2 SAMUEL 17:8 Iomraidhean Croise

2 SAMUEL 15:18

Kha awui raobing, Cherethnaobing, Pelethnaobing, Gitnaobing shātharuk, Gathwui eina ali shurkazatbing chi mangasāmla ali kanthuiserhaowa.

2 SAMUEL 17:9

Yanglu, aruila akhurli, lah apam akhali ngathumda leilapai. Ngararkaphok atamli nawui mi khani akha thihaiakha, kachikathāna shāda ‘Absalomli kashurbingli sāthatserhaira’ da hāngpai.

2 SAMUEL 23:16

Chieina kathāna kapinga kathum china Philistinewui pamkhavai chi kānzangda Bethlehemwui ngavei ngalemli khalei tara̱ chi asokkhuilaga Davidli khuiungmi. Kha ana mamangla Proho wui vang heitha̱hailaga hānga,

2 SAMUEL 23:18

Chitharan Zeruiahwui naomayara, Joabwui achinā Abishaina thumrā chiwui khareiana. Athum kathumwui ngachaili ana mi shākathumli ngararda rungthata, kala maikhayā mingla samphanga.

2 WUNGNAOBING 2:24

Ana ngareiunglaga athumli kathei tharan Prohowui ming singda athumli khonshi. Kala singom ava̱ khani khararwui eina shoklaga athum hangmatida khani chi makeikhanārmihaowa.

CHĀNSAM 17:12

Mangkhama̱a akhali awui mangma̱sakwui alungli samphangki kajile, anao tukthui kahaiya singom ava̱li samphangtha̱ranu.

CHĀNSAM 28:15

Kazingkha̱ kakhangang thāda, singomna kakharom thāda, makhayā awungana kachāmabingli chithāda sai.

EZEKIEL 19:2

Kazingkha̱ ngachaili nava̱ chi kachikathā kazingkha̱ ava̱ ngasāsā! Anao ngalemli piya, anao nganaoda.

DANIEL 7:5

Kala yanglu, kakhane sā chiya singom thai. Sā chi khanukphei eina nganinga, kala akhamorli, ahā ngachaili arapthingra̱ kathum ngatama; kala hithāda hānga, “Ngakarthuida sā kachungkha shailu.”

HOSEA 13:8

Anao tukthui kahaia singom thāda ina athumli yongrorra, ina athumwui mathik chikaophutmihaora, kala chitharan kazingkha̱ thāda ina athumli tukshaira, khararsāna athumli serkakazam thāda.

WUNGVA̱-WUNGVĀ 18:25

Chieina Dannaobingna ali hānga, “Nakhon chi ithumwui alungli mashā ngasakalu, malungvātkazar mi zangsāda nali saza̱paishina, kala na eina nawui shimkhurwui manglāla shimānpaishina.”

1 SAMUEL 16:18

Yaronnao akhana ngahānkai, “Yanglu, Bethlehempa Jessewui nao akha tingteilā huitheilak kahai ina thei; a kapinga, raimina, chanhān unglaka, kala otsakla mathālaka kala Prohona ngasokhame mi akhana.”

1 SAMUEL 17:50

Chithāda Philistinepa chili Davidna shairong kala lunghailānao akha eina yuihaowa; David raighaila makhuiphungmana.

1 SAMUEL 23:23

Chiwui vang eina awui ngathum khavai pam saikora yangkazakkhuilaga kashenga pao rāhāngluilu. Chithakha ina nathumli ngasovālaga Judahnaobing thingthing khalei ngachaiwui eina ina aphākhuira.”