2 SAMUEL 13:3 - Kathara Bible (BSI)

³ Kha Ammonwui ngasotnao akha leisai; awui ming Jonadab hoi, a Davidwui agato Shime-ahwui naona, kala aworkathem mi akhana.

2 SAMUEL 13:3 Iomraidhean Croise

HAOKAPHOK 3:1

Varena sākakhui ramsā saikorawui ngachaili phara̱na awor themmeikapsai. Ana sha̱nao chili hānga, “ ‘Yāmgui chili khalei thingrongwui athei akhala nani mashaipaimara’ da Varena hāngla?”

HAOKAPHOK 38:1

Atam chitharān Judahna achinā ngarāwui eina thuihaida Hirah kaho Adullamwui mi akhali vai.

HAOKAPHOK 38:20

Judahna awui hamkahai otbing chi hankhui khavai Adullampali yaonao chi chihokhavā tharān sha̱naopava̱ chili masamphangthuwa.

2 SAMUEL 13:2

Amnonna azarva̱ Tamarli malungchāngnahaida kazāhaowa, kaja ava kachingva̱ sha̱nao sāthuda, Amnonna ali khikha masārarthuwa.

2 SAMUEL 13:32

Kha Davidwui achinā, Shimeahwui naomayara Jonadabna hānga, “Ameina awunga naomayarabing sāthatserhaira da makhuiranu, kaja Amnonmāng kathina; kaja azarva̱ Tamarli ana chipatmi kahaiwui vang Absalomna sāphalungra da kakaso mida ningli phumhaisaphalung kajina.

2 SAMUEL 13:4

Kala ana Amnonli hānga, “O awungnao, khisāda ngathor ngazin ningkazāchir pamkhala? Ili mahāngmarala?” Amnonna ngahānkai, “Ichina Absalomwui azarva̱ Tamarli I leishiya.”

2 SAMUEL 14:2

Kala Joabna thangkhamei preinao akha Tekoawui eina vāphakhui ngasakta hānga, “Chapkhangachā mi akha sākhaninglu, kala chiwui kachon ngavailu, thaola maneolu, kha atam kasāngkha kathiwui vang chapngachā kahai preiva̱̱ thāda sākhaninglu;

2 SAMUEL 21:21

Ana Israelli kachipat eina, Davidwui achinā Shime-iwui naomayara Jonathanna sāthathaowa.

1 THOTRINCHĀN 2:13

Jessena naochizai Eliabwui avāva̱na, kakhane Abinadad, kakathuma Shime-ana,

1 THOTRINCHĀN 27:32

Davidwui avāgato Jonathanna, lairik kathema mi sāthuihaoda kala theishingkakhuia mi akha sākasāwui vang ana ngakuime sai; Hachmoniwui naomayara Jehiel anina awungawui nao mayarnaobingli tamchithei.

ESTHER 5:10

Chithālala, Haman akhalatta malungkhavāt khānglaga shimli unghaowa; kala mi chihoda ngasotnaobing eina apreiva̱̱ Zereshli ahokhui ngasaka.

ESTHER 5:14

Chieina apreiva̱̱ Zereshna kala ngasotnao saikorana ali hānga, “Khuining hangphangā kajuiya tārong akha sālaga, Mordecaili phāshi sākhavai ngathorshong awungali ahānglu; laga ningmathānlak eina awungali ngasoda ngazin phazāt aphazālu.” Hāngda khalei china Hamanli ningyāng ungngasakhaowa, kala ana tārong chi sākhui ngasaka.

ESTHER 6:13

Kala Hamanna apreiva̱̱ Zeresh, kala ngasotnao saikorali awuitungli shokkahai saikora hāngchithei. Chieina thangkhamabing kala apreiva̱̱ Zereshna hānga, “Nana mangāli kongluiphok kahai Mordecai chi Jehudinaona jiakha, na ali mangasungrarmara, kha awui pāngli thisangra.”

CHĀNSAM 19:6

Pāngkatong miwui ngahānkhangai kachungkhana phai, kala mi kachiva̱ lemmet khamewui ngasotnaosera.

JEREMIAH 4:22

“Kaja iwui mibing mangma̱haoda athumna ili matheithuwa; athum mangkhama̱ naomayarana, athum theishingkakhui maleimana. Makaphā kasāli athum themlaka, kha kathāda kaphā sara̱khala da matheimana”

1 CORINTHNAO 3:19

Kaja okathui hiwui thangkhamei hiya Varewui mangāli mangkhama̱na. Hithada kapihaili, “Thangkhameibingwui awor kasā chi Varena paisor eina tukkhuishapa.”

JAMES 3:15

Chikathā thangkhamei chi kazingramwui eina kharā maningmana, okathuiwui eina kharāna; kaja manglā makazang kala chipeewui otsakna.

WUNGVA̱-WUNGVĀ 14:20

Kala Samsonna preiva̱li aniwui shakazā atamli nganingkhame awui ngasotali mihaowa.

1 SAMUEL 16:11

Kala Samuelna “Nanaomayarabing hili peiserda leila?” da Jesseli ngahāna. Chieina ana, “Paisho akha leifaya, kha ava yao kahom vāhaira” da hānga. Kala Samuelna Jesseli hānga, “Ahokhuilu; kaja a maungranglakha eina tangda ithum mapamzangmara.”

1 SAMUEL 16:9

Chiwui thili Jessena Shammahli vāngasaka. Kala ana “Prohona kapangkhui kahai chi hila maningmana,” jihaowa.