2 SAMUEL 13:1 - Kathara Bible (BSI)

¹ Chitharan Davidwui nao Absalomwui azarva̱, Tamar hoda ngalā khamathāva akha leisai. Khaleilaga Davidwui naomayara Amnonna ali leishihaowa.

2 SAMUEL 13:1 Iomraidhean Croise

HAOKAPHOK 29:18

Jacobna Rachelli leishihaoda hānga, “Nanao ngalāva̱ Rachelwui vang ina nali kum shini otram ngatha̱ra.”

HAOKAPHOK 29:20

Chiwui vang Jacobna kum shini Rachelwui vang eina otram ngatha̱mi, kha ali leikashiwui vang atam kasha̱nakhamāng thāhaowa.

HAOKAPHOK 34:3

Jacobwui naongalāva̱ Dinahli ningchānghaowa; kala leishilakhaoda ana ngahuiri eina khararchān sai.

HAOKAPHOK 6:2

Varewui naomayara ngarāna miwui naongalāva̱ ngarāwui khamathā chi theilaga; athumna kapangkakhui chi khalattawui preiva̱ sāda ngakuma.

2 SAMUEL 11:2

Thangngashunkha Davidna ngasāmkakhuiwui eina ngakarthuida awunga dolantungli yaothuikakā tharan, sha̱nao akha ra̱vaikasā thei; kala sha̱nao chi azak mathāshuna.

2 SAMUEL 13:15

Chiwui thili Amnonna ali ningkachaishunhaowa, ana chiyākha leishikasā chili lāngmeida ningkachaihaowa. Kala Amnonna azarali, “Ngakarthuilu, ungulu,” jihaowa.

2 SAMUEL 13:2

Amnonna azarva̱ Tamarli malungchāngnahaida kazāhaowa, kaja ava kachingva̱ sha̱nao sāthuda, Amnonna ali khikha masārarthuwa.

2 SAMUEL 14:27

Absalomwui naomayara kathum, sha̱nao akha da leisai. Naongalāva̱ chiwui aming Tamar hoi; ngalā mathāshuna.

1 WUNGNAOBING 11:1

Chitharan Awunga Solomonna ngalei khangateiwui sha̱nao kachungkhali leishi. Pharaohwui naongalāva̱, kala Moab, Ammon, Edom, Sidon, kala Hitla,

1 THOTRINCHĀN 3:2

kakathuma Absalomli Geshurwui awunga Talmaiwui naongalāva̱ Maacahna pharai; khamate Adonijahli Haggithna pharai;

1 THOTRINCHĀN 3:9

Hibing hi angashirva ngarāwui naomayarabing mazangla, Davidwui naosera; kala Tamar hi athumwui azarva̱na.

CHĀNSAM 31:30

Yangkhangai hi kapiklaka, khamathā aremana, kha Proholi khangachee sha̱naoli songayiya.

CHĀNSAM 6:25

Naningli awui azak khamathā chili maningchāngalu, kala awui mikhā china nali matuknarhaiaranu;