2 SAMUEL 11:2 - Kathara Bible (BSI)

² Thangngashunkha Davidna ngasāmkakhuiwui eina ngakarthuida awunga dolantungli yaothuikakā tharan, sha̱nao akha ra̱vaikasā thei; kala sha̱nao chi azak mathāshuna.

2 SAMUEL 11:2 Iomraidhean Croise

HAOKAPHOK 12:11

Ana Egyptli tāshungnanai, ana apreiva̱ Saraili hānga, “Na ngalā khamathāva̱na kaji ina thei;

HAOKAPHOK 3:6

Chieina sha̱nao china thingrong chi kashakazāwui vang mathai da kathei eina, kala mikli ngayam ngasak kahai eina kala thingrong china thangmei ngasaka jihaoda, ana chiwui athei chi khuida shai; kala agaharalila kateokha mi, kala ana shai.

HAOKAPHOK 34:2

kala Hivpa Hamorwui naomayara Shechem, ram chiwui wungnao china Dinahli kathei eina shimenkhuida ngasopimihailaga maishi ngasaka.

HAOKAPHOK 39:6

Chithāda sāda awui khalei saikora Josephwui pāngli horsangmihaida phākashak phākazā maningla Potipharna khikha maphaningluimana. Joseph yarkhokana kala azak mathālaka.

HAOKAPHOK 6:2

Varewui naomayara ngarāna miwui naongalāva̱ ngarāwui khamathā chi theilaga; athumna kapangkakhui chi khalattawui preiva̱ sāda ngakuma.

2 SAMUEL 13:1

Chitharan Davidwui nao Absalomwui azarva̱, Tamar hoda ngalā khamathāva akha leisai. Khaleilaga Davidwui naomayara Amnonna ali leishihaowa.

2 SAMUEL 14:27

Absalomwui naomayara kathum, sha̱nao akha da leisai. Naongalāva̱ chiwui aming Tamar hoi; ngalā mathāshuna.

2 SAMUEL 4:5

Chitharan Be-erothpa Rimmonwui naomayara khani, Rechab eina Baanahna ngashunung kasā atamli Ish-boshethwui shimli khavā eina, ana ngasāmkhuida pisai.

2 SAMUEL 4:7

Anina shimlungli kākhayang tharan, awui petli pisai, anina shaothatta akui rangkhui, kala akui chi phungda Arabahwui shongfa eina ngayā zatthai,

JOBWUI LAIRIK 31:1

Imikli ina khangashit sāhaira, laga, ina kachingva̱ akhali kathāda yangpaira?

LAA 119:37

Makānkhanā otwui eina imik ngareithuihailaga nawui apongli ili okthui ngasakmilu.

CHĀNSAM 19:15

Ngachāng makakāna piphuphai ngasaka, kala chāngshena kathai samphangra.

CHĀNSAM 31:30

Yangkhangai hi kapiklaka, khamathā aremana, kha Proholi khangachee sha̱naoli songayiya.

CHĀNSAM 6:25

Naningli awui azak khamathā chili maningchāngalu, kala awui mikhā china nali matuknarhaiaranu;

CHĀNSAM 7:8

ngalāva̱shi shimwui achikun ngalemli shongpong makānvāda shim chili vākhavai zata

JEREMIAH 19:13

Jerusalemwui shimbing kala Judah awungabingwui shim, shimtung saikorali, kazingramli khalei saikorali nganamkaphā ot rikkatā kala varebing khangateili ra̱khalekkasā shim saikora chi Topheth thāda sākhamānghaora,” da hānga.

MATTHEW 10:27

Ina nathumli tangkhamangli kahāng chi phongshar eina kahorli hānglu kala nathumna shākhui kahai chi shimtung eina vaomalāntālu.

MATTHEW 24:17

shimtungli leikasaa china tunglaga shimlungli khalei thongthāng mazangkhuiluiaranu,

MATTHEW 5:28

Kha ina nathumli kahāngna, sha̱naoli phasāwui khamathang mikyan eina khayang mi kachiva̱ sha̱nao chili awui wuklungli rida phophāhaira.

OTSAK 10:9

Akhama kathā athumna shongfa zatmamānda Joppali rāshungnanai, ngashunlung atamli, Peterna seihā sākhavai dolāntungli kai.

KHALATLUI 22:8

“Kachikathāna shim kadhar saakha, shimtungli pāngpo sāsangranu, pāngpo makāmada mi tatungthathaiakha, asheewui khayon nawui shimli rāpaishina.

KHALATLUI 5:21

“‘Nawui khongnainaowui shim makahaopaimana; khongnai preiva̱li, lah awui rao mayarnao, rao sha̱nao, sha̱kei, kala awui khalalei maningchāngpaimana.’

1 PETER 4:7

Ot saikora ngachangki kaji nganaihaira; khalatta ngarinda kala ngasharda seihā sāshap khavai ngarānlu.

1 JOHN 2:16

Okathui otli ningchāngmeida morei kasā, mikwui kakahao, okathuiwui lāngsot saikora hi Avāva̱wui eina kharā maningmana, kha okathuiwui otsera.

1 SAMUEL 9:25

Athumna kaphung kajuiwui eina keinungli katā tharan, shimtungli Saulwui vang pet sāmihaisāda ana chili pikhui.